घरमालकांनो सावधान! अवैध वास्तव्य करणाऱ्यांवर पोलिसांची करडी नजर..MIDC भागात बांगलादेशी नागरिकांसाठी कोम्बिंग ऑपरेशन!
अहिल्यानगर (प्रतिनिधी):-अहिल्यानगर जिल्ह्यात अवैधपणे घुसखोरी करून वास्तव्य करणाऱ्या बांगलादेशी नागरिकांचा शोध घेऊन त्यांच्यावर कडक कारवाई करण्याचे आदेश पोलीस अधीक्षक श्री.सोमनाथ घार्गे यांनी दिले होते.या आदेशाच्या अनुषंगाने एम.आय.डी.सी. पोलीस स्टेशनच्या हद्दीत आज मोठी शोध मोहीम राबवण्यात आली.उपविभागीय पोलीस अधिकारी श्री.शिरीष वमने यांच्या उपस्थितीत आणि एम.आय.डी.सी.पोलीस स्टेशनचे प्रभारी अधिकारी श्री.माणिक चौधरी यांच्या मार्गदर्शनाखाली पोलीस अधिकारी व अंमलदारांच्या पथकाने ही मोहीम राबवली.
विविध भागात एकाच वेळी तपासणी
दि.१८/०४/२०२६ रोजी सकाळी एम.आय.डी.सी.हद्दीतील महत्त्वाच्या भागात ही कारवाई करण्यात आली.यामध्ये:कळसेगाव वस्ती,निंबळक, सायबन रोड,वाईराज नगर, नवनागापूर,जय मल्हार नगर, गजराज नगर आणि नागापूर.या भागातील विविध औद्योगिक कंपन्यांमधील कामगार आणि त्यांच्या निवासस्थानांची सखोल तपासणी करण्यात आली.या मोहिमेत एकूण ०९ पोलीस अधिकारी आणि ९० पोलीस अंमलदारांचा सहभाग होता.सर्व संशयित नागरिकांच्या कागदपत्रांची पडताळणी करण्यात आली.मात्र,या कारवाई दरम्यान एकही बांगलादेशी नागरिक मिळून आला नाही. भविष्यातही अशाच प्रकारची अचानक तपासणी केली जाईल, असे प्रशासनातर्फे स्पष्ट करण्यात आले आहे.नागरिकांना आवाहन
पोलीस प्रशासनाने सर्व घरमालक, व्यावसायिक आणि कारखानादारांना सूचित केले आहे की:
१. कोणत्याही व्यक्तीला जागा भाड्याने देताना किंवा कामावर ठेवताना त्यांची मूळ कागदपत्रे, ओळख आणि पत्ता यांची खात्री करणे अनिवार्य आहे.
२. परिसरात कोणीही संशयास्पद व्यक्ती आढळल्यास किंवा बनावट कागदपत्रांच्या आधारे राहत असल्याची माहिती मिळाल्यास तात्काळ स्थानिक पोलिसांशी संपर्क साधावा. माहिती देणाऱ्याची ओळख गुप्त ठेवली जाईल.
यांनी केली कारवाई
ही मोहीम पोलीस अधीक्षक श्री. सोमनाथ घार्गे,अपर पोलीस अधीक्षक श्री. वैभव कलुबर्मे, उप विभागीय पोलीस अधिकारी (नगर ग्रामीण विभाग) श्री. शिरीष वमने यांच्या मार्गदर्शनाखाली पार पडली. पथकामध्ये प्रभारी अधिकारी माणिक बी.चौधरी,पोलीस उपनिरीक्षक मनोज मोंढे,पोलीस उपनिरीक्षक मारग,पोलीस उपनिरीक्षक जरे,पोलीस उपनिरीक्षक अनिल आढाव, आणि पोलीस उपनिरीक्षक फराड यांच्यासह पोलीस कर्मचाऱ्यांचा समावेश होता.