🚩जय भवानी… जय शिवाजी!  निमगाव प्राथमिक शाळेत शिवजयंती उत्साहात साजरी

🚩जय भवानी… जय शिवाजी!  निमगाव प्राथमिक शाळेत शिवजयंती उत्साहात साजरी

श्रीरामपूर (प्रतिनिधी) – तालुक्यातील निमगाव खैरी येथील निमगाव प्राथमिक शाळेत छत्रपती शिवाजी महाराजांची जयंती अत्यंत उत्साहात व भव्य स्वरूपात साजरी करण्यात आली.

🔸मिरवणुकीत लेझीम पथकाचे आकर्षण

शिवजयंतीनिमित्त गावातून भव्य मिरवणूक काढण्यात आली. विद्यार्थ्यांनी व शिक्षकांनी लेझीम पथकात उत्स्फूर्त सहभाग घेत सर्वांचे लक्ष वेधून घेतले. ग्रामस्थांनी मिरवणुकीचे स्वागत करत छत्रपती शिवाजी महाराज यांच्या प्रतिमेचे दर्शन घेतले.“छत्रपती शिवाजी महाराज की जय… जय भवानी, जय शिवाजी… हर हर महादेव…” या घोषणांनी परिसर दुमदुमून गेला.

🔸वेशभूषा व भगव्या झेंड्यांनी परिसर शिवमय

विद्यार्थ्यांनी शिवाजी महाराज, जिजामाता व मावळ्यांची आकर्षक वेशभूषा साकारली होती. त्यांच्या हातातील भगवे झेंडे फडकत असल्याने संपूर्ण परिसर शिवमय झाला होता.

🔸भाषण, नृत्य व गीतांनी जिंकली मने

शाळेत प्रतिमेला पुष्पहार अर्पण करून अभिवादन करण्यात आले. विद्यार्थ्यांनी मराठी व इंग्रजी भाषेतून प्रभावी भाषणे केली. तसेच नृत्य व गीतगायन सादर करून उपस्थितांची मने जिंकली. गुणवंत विद्यार्थ्यांना बक्षिसे देऊन गौरविण्यात आले.

🔸मान्यवरांची उपस्थिती

कार्यक्रमास शाळा व्यवस्थापन समिती अध्यक्ष गणेश तरस, उपाध्यक्ष महेंद्र साबळे, ज्येष्ठ नागरिक वेणुनाथ कालंगडे, ग्रामपंचायत सदस्य सुरेश कालंगडे, भाऊसाहेब पंडित, सुभाष झुराळे, भाऊसाहेब उंदरे, भागचंद उंदरे, सोपान कालंगडे, गणेश साबळे, पंढरीनाथ निमसे, बापूसाहेब काळे, दत्तात्रय मुळे, चंद्रकांत बरवंट, अशोक पवार, उमाकांत तांबे, भामाबाई धुळगंड, भिमाबाई काकडे, जयश्री भागडे, अरुणा परदेशी, मीराबाई पवार, आस्मा सय्यद, अनुसया रोहोम, बेबीताई ढोबळे, वैशाली सोनवणे आदी पालक व ग्रामस्थ मोठ्या संख्येने उपस्थित होते.

🔸शिक्षकांचा परिश्रम, मान्यवरांचे अभिनंदन

कार्यक्रमाच्या यशस्वी आयोजनासाठी मुख्याध्यापक संतोष वाघमोडे, शिक्षिका प्रतिभा तोरणे, मीना निकम, सुधा गमे यांनी विशेष परिश्रम घेतले.सरपंच दत्तात्रय झुराळे, उपसरपंच विजयसिंग परदेशी, माजी उपसभापती नितीन भागडे, गटशिक्षणाधिकारी संजीवन दिवे, शिक्षण विस्तार अधिकारी दीपक त्रिभुवन व केंद्रप्रमुख बाबासाहेब पिलगर यांनी शाळेचे अभिनंदन केले.उत्साह, शौर्य आणि संस्कारांची संगम घडवत निमगाव प्राथमिक शाळेने शिवजयंती साजरी करत विद्यार्थ्यांमध्ये राष्ट्राभिमानाची ज्योत प्रज्वलित केली.