अहिल्यानगर जिल्हा पोलीस दलाच्या शिरपेचात मानाचा तुरा; पोहेकॉ.राजेंद्र सुद्रिक यांच्यासह पोलीस महासंचालक सन्मानचिन्हाने १० जणांचा गौरव
अहिल्यानगर (दि.३० एप्रिल/ प्रतिनिधी):-महाराष्ट्र पोलीस दलात आपल्या अतुलनीय सेवेचा ठसा उमटवणारे अहिल्यानगर जिल्हा पोलीस दलाचे नाव पुन्हा एकदा राज्यस्तरावर गाजले आहे. सन २०२५ या वर्षासाठी देण्यात येणारे अत्यंत मानाचे ‘पोलीस महासंचालक सन्मानचिन्ह व प्रशस्तीपत्र’ जाहीर झाले असून,यामध्ये एमआयडीसी पोलीस ठाण्याचे पोलीस हेडकॉन्स्टेबल राजेंद्र आप्पासाहेब सुद्रिक यांनी आपल्या चमकदार कामगिरीने बाजी मारली आहे.राजेंद्र सुद्रिक यांच्या या यशाने पोलीस दलातील त्यांच्या सहकाऱ्यांमध्ये आनंदाचे उधाण आले असून,त्यांच्यावर अभिनंदनाचा वर्षाव होत आहे.सुद्रिक यांची ‘सुवर्ण’ कामगिरी जिल्हा पोलीस दलात अत्यंत शिस्तप्रिय आणि कर्तव्यदक्ष कर्मचारी म्हणून ओळखले जाणारे राजेंद्र आप्पासाहेब सुद्रिक यांनी आपल्या प्रदीर्घ सेवेमध्ये गुन्हे तपास आणि कायदा-सुव्यवस्था राखण्यात मोलाची भूमिका बजावली आहे. त्यांच्या या निष्ठेची दखल घेत खुद्द महाराष्ट्र राज्याचे पोलीस महासंचालक सदानंद दाते यांनी त्यांना या सन्मानचिन्हाने गौरवण्याचे आदेश दिले आहेत. जिल्ह्याचे अप्पर पोलीस अधीक्षक वैभव कलबुर्मे यांच्यासह एकूण १० अधिकारी व अंमलदारांना हा बहुमान मिळाला आहे.पोलीस अधीक्षक सोमनाथ घार्गे यांनी सर्व विजेत्यांचे कौतुक करत हा जिल्ह्यासाठी अभिमानाचा क्षण असल्याचे म्हटले आहे.
सन्मानचिन्ह विजेते खालीलप्रमाणे:
वैभव कलबुर्मे (अप्पर पोलीस अधीक्षक)
प्रवीण पुंडलिक साळुंखे (पोलीस निरीक्षक)
मुक्तारखान गुलजारखान पठाण (पोलीस निरीक्षक)
प्रल्हाद भानुदास गीते (पोलीस निरीक्षक)
गोविंद दादाबा गोल्हार (सहा. पोलीस उपनिरीक्षक)
मनोहर नामदेव शेजवळ (सहा. पोलीस उपनिरीक्षक)
अजय नारायण नगरे (सहा. पोलीस उपनिरीक्षक)
संजय जबाजी खंडागळे (सहा. पोलीस उपनिरीक्षक)
नितीन पोपट गांगुर्डे (सहा. पोलीस उपनिरीक्षक)
राजेंद्र आप्पासाहेब सुद्रिक (पोलीस हेडकॉन्स्टेबल)
“पोलीस दलातील प्रत्येक कर्मचाऱ्यासाठी महासंचालक पदक हे स्वप्न असते. राजेंद्र सुद्रिक आणि त्यांच्या सहकाऱ्यांनी हे स्वप्न आपल्या मेहनतीने सत्यात उतरवले आहे. ही जिल्ह्यासाठी मोठी अभिमानाची गोष्ट आहे.” > — सोमनाथ घार्गे, पोलीस अधीक्षक अहिल्यानगर पोलिसांच्या या दमदार कामगिरीमुळे संपूर्ण जिल्ह्यात उत्साहाचे वातावरण निर्माण झाले असून,राजेंद्र सुद्रिक यांच्या रूपाने खाकी वर्दीची शान पुन्हा एकदा अधोरेखित झाली आहे.