🚨बसस्थानकावर सोनसाखळी चोरट्यांचा सुळसुळाट प्रवाशांच्या गर्दीचा घेतला फायदा तब्बल ३ लाखांची सोन्याची माळ चोरी… कोतवाली पोलिसांची कारवाई ५ महिला आरोपी जेरबंद!

🚨crime..बसस्थानकावर सोनसाखळी चोरट्यांचा सुळसुळाट प्रवाशांच्या गर्दीचा घेतला फायदा तब्बल ३ लाखांची सोन्याची माळ चोरी… कोतवाली पोलिसांची कारवाई ५ महिला आरोपी जेरबंद!

अहिल्यानगर (प्रतिनिधी) – केडगाव बस स्थानकावर प्रवाशांच्या प्रचंड गर्दीचा फायदा घेत एका वृद्ध महिलेच्या बॅगेतून सुमारे अडीच तोळे वजनाची आणि सुमारे ३ लाख रुपये किमतीची सोन्याची मोहनमाळ चोरण्याची धक्कादायक घटना उघडकीस आली आहे. या प्रकरणी कोतवाली पोलीस ठाणे येथे गुन्हा दाखल करण्यात आला असून पोलिसांनी पाच महिला आरोपींना ताब्यात घेतले आहे.मिळालेल्या माहितीनुसार, फिर्यादी ताराबाई महादेव शेलार या केडगाव बस स्थानकावरून पुणे बाजूकडे जाणाऱ्या एसटी बसमध्ये चढत होत्या. त्यावेळी बसमध्ये चढण्यासाठी मोठी गर्दी उसळली होती. याच संधीचा फायदा घेत आरोपी महिलांनी अत्यंत शिताफीने त्यांच्या बॅगेची चेन उघडली.बॅगेच्या आतील कप्प्यात ठेवलेली ७८ आणि ८१ मणी असलेली, सुमारे अडीच तोळे वजनाची सोन्याची मोहनमाळ आरोपींनी लंपास केली. चोरी झालेल्या दागिन्यांची किंमत अंदाजे ३ लाख रुपये असल्याचे सांगण्यात आले आहे.

🔎 पोलिसांची तत्पर कारवाई; लासुर रोडवरील पाच महिला आरोपी निष्पन्न

घटनेची माहिती मिळताच पोलिसांनी तत्काळ तपास सुरू केला. तपासाअंती खालील आरोपी महिलांना निष्पन्न करण्यात आले आहे :

मंजुळा व्यंकटेश मौंदा

गिता राजु मौंदा

सरीना अशोक मौंदा

भारती शिवा मौंदा

लक्ष्मी रामु मौंदा

(सर्व रा. लासुर रोड, गंगापूर, जि. छत्रपती संभाजीनगर)

पोलीस निरीक्षक संभाजी गायकवाड यांनी घटनास्थळी पाहणी केली. पुढील तपास महिला पोलीस हवालदार रोहिणी दरंदले करत आहेत.

👮 वरिष्ठांच्या मार्गदर्शनाखाली कारवाई

सदर कारवाई सोमनाथ घार्गे (जिल्हा पोलीस अधीक्षक), वैभव कलूबर्मे (अपर पोलीस अधीक्षक) आणि दिलीप टीपरसे (विभागीय पोलीस अधिकारी) यांच्या मार्गदर्शनाखाली पार पडली.

कारवाईत पोलीस निरीक्षक संभाजी गायकवाड, पोलीस उपनिरीक्षक प्रवीण पाटील तसेच पोलीस अमलदार संतोष बनकर, दौंड, साबीर शेख, रोहिणी दरंदले, विशाल दळवी, अविनाश वाकचौरे, राहुल शिंदे, दीपक रोहकले, सत्यम शिंदे, अमोल गाडे, सुरज कदम, दत्तात्रय कोतकर, शिरीष तरटे, अतुल काजळे, महेश पवार, रमेश शिंदे, अतुल लाटे, पल्लवी रोगले तसेच दक्षिण मोबाईल सेलचे राहुल गुंडू यांनी सहभाग घेतला.

⚠️ पोलिसांचे नागरिकांना आवाहन

सार्वजनिक ठिकाणी, विशेषतः बसस्थानक, रेल्वे स्थानक किंवा बाजारपेठेत प्रवास करताना दागिने आणि मौल्यवान वस्तूंबाबत विशेष सतर्कता बाळगावी, असे आवाहन पोलीस प्रशासनाकडून करण्यात आले आहे.

केडगाव बसस्थानकावरील या घटनेमुळे प्रवाशांमध्ये भीतीचे वातावरण निर्माण झाले असून, पोलिसांनी अशा टोळ्यांवर लक्ष ठेवून कारवाई अधिक तीव्र करण्याचे संकेत दिले आहेत.