🔵 रिपब्लिकन पार्टी ऑफ महाराष्ट्रची महत्वपूर्ण फेरनिवड शासकीय सुभेदारी विश्रामगृह येथे संपन्न..आंबेडकरी चळवळीला नवा वेग 

🔵 रिपब्लिकन पार्टी ऑफ महाराष्ट्रची महत्वपूर्ण फेरनिवड शासकीय सुभेदारी विश्रामगृह येथे संपन्न..आंबेडकरी चळवळीला नवा वेग 

छत्रपती संभाजीनगर (प्रतिनिधी):-रिपब्लिकन चळवळ शहर, जिल्हा आणि संपूर्ण महाराष्ट्रात अधिक जोमाने विस्तारण्याच्या उद्देशाने रिपब्लिकन पार्टी ऑफ महाराष्ट्र पक्षाची महत्त्वपूर्ण फेरनिवड बैठक शासकीय सुभेदारी विश्रामगृह येथे उत्साहात पार पडली. या बैठकीत छत्रपती संभाजीनगर शहर व जिल्हा कार्यकारिणीची अधिकृत घोषणा करण्यात आली.

🔹चळवळ वृद्धिंगत करण्याचा निर्धार

बैठकीस पक्ष प्रमुख राजूभाई साबळे यांची प्रमुख उपस्थिती होती. जिल्हाध्यक्ष दिनेश गवळे यांच्या अध्यक्षतेखाली बैठक संपन्न झाली.राजूभाई साबळे यांनी ‘आंबेडकरी चळवळ नव्या दमाने आणि नव्या स्वरूपात घराघरात कशी पोहोचवता येईल’ यावर सविस्तर मार्गदर्शन केले. आगामी काळात संघटना मजबूत करून जनसामान्यांच्या प्रश्नांवर आक्रमक लढा देण्याचा निर्धार यावेळी व्यक्त करण्यात आला.

🔹मान्यवरांची उपस्थिती

बैठकीस राज्य उपाध्यक्ष ॲड. अविनाश थिट्टे, राज्य सचिव सुरेश नाना शिनगारे, मराठवाडा उपाध्यक्ष सुनील खरात, जिल्हा उपाध्यक्ष अरशाद लखपती, जिल्हा सरचिटणीस रविकांत मोरे, शहर अध्यक्ष रणजीत मनोरे, नवीन शहराध्यक्ष संतोष उनवणे, युवा शहराध्यक्ष जहीर शेख, तसेच जयनाथ बोर्डे, भीमराव गाडेकर, राजकुमार अमोलिक, ज्ञानेश्वर वाघमारे, इकबाल खान, कलीम खान, गणेश गौरये, अशोक गायकवाड, राजू उजगरे आदी कार्यकर्ते उपस्थित होते.

🔹नवी दिशा, नवा जोम’

“आंबेडकरी विचारांची मशाल पेटवत ठेवून वंचित आणि शोषित घटकांना न्याय मिळवून देण्यासाठी रिपब्लिकन पार्टी ऑफ महाराष्ट्र कटिबद्ध आहे. ही फेरनिवड पक्षाला जिल्ह्यात नवी दिशा देईल,” असे मत यावेळी मान्यवरांनी व्यक्त केले.बैठकीनंतर कार्यकर्त्यांमध्ये उत्साहाचे वातावरण पाहायला मिळाले असून आगामी काळात संघटनात्मक पातळीवर जोरदार हालचालींचे संकेत मिळत आहेत.