अहिल्यानगर (दि.10 प्रतिनिधी):-अवैध मद्य साठवणूक व वाहतुकीच्या विरोधात राज्य उत्पादन शुल्क विभागाच्या भरारी पथक क्र.1 ने पारनेर तालुक्यात दोन ठिकाणी धडक कारवाई केली आहे. पथकाने ही कारवाई सोमवार दि.10 फेब्रुवारी रोजी केली आहे.
या कारवाईत पारनेर तालुक्यातील खडकवाडी येथे विदेशी दारू 956.88 ब.ली (101बॉक्स) सह 1 चारचाकी असा एकुण अंदाजे किंमत रु.13 लाख 59,400/-रु.किमंतीचा मुद्देमाल जागीच जप्त करण्यात आला आहे.
सदरची कारवाई श्री.प्रमोद सोनोने अधीक्षक राज्य उत्पादन शुल्क अहिल्यानगर व श्री.प्रविण कुमार तेली उपअधीक्षक राज्य उत्पादन शुल्क अहिल्यानगर यांच्या मार्गदर्शनाखाली श्री.एस.आर.कुसळे निरीक्षक, श्री.ए.एन.जावळे दुय्यम निरीक्षक,श्री.व्ही.एन. रानमाळकर,सहा.दु.नि.जवान सर्वश्री.सुरज पवार,देवदत्त कदरे, चतुर पाटोळे,दीपक बर्डे,महिला जवान सुनंदा अकोलकर यांनी केली आहे.
तरी जनतेस आव्हान करण्यात येते की,अवैध मद्य निर्मिती, वाहतुक व विक्री संदर्भात कोणतेही माहिती अथवा तक्रार असल्यास 1800 2339 999 व व्हाटस ॲप क्र.8422001133 या क्रमांकावर संपर्क साधावा.