अहिल्यानगर (प्रतिनीधी):-अहिल्यानगर जिल्ह्यातील घोडेगाव (ता. नेवासा) येथे अवैध वाळू वाहतूक करणारा संशयित आरोपी स्थानिक गुन्हे शाखेच्या पथकाने ५ फेब्रुवारी रोजी जेरबंद केला आहे.त्याच्याकडून ५ लाख ८० हजार रुपयांचा मुद्देमाल हस्तगत करण्यात आला आहे. याबाबत सोनई पोलीस ठाण्यात गुन्हा दाखल करण्यात आला आहे.
आकाश शंकर व्यवहारे (वय २४, रा.चिंचबन रोड, नेवासा, ता.नेवासा) असे ताब्यात घेतलेल्या संशयित आरोपीचे नाव आहे.घोडेगाव-मिरी रस्त्यावर अवैध वाळू वाहतूक होत असल्याची माहिती स्थानीक गुन्हे शाखेच्या पथकाला मिळाली. त्यानुसार पथकाने सापळा रचून संशयित आरोपीला ताब्यात घेतला.
ही कारवाई जिल्हा पोलीस अधीक्षक राकेश ओला, अपर पोलीस अधीक्षक प्रशांत खैरे,स्थानीक गुन्हे शाखा पोलीस निरीक्षक दिनेश आहेर यांच्या मार्गदर्शन व सूचनेनुसार पोलीस अंमलदार ज्ञानेश्वर शिंदे,संदीप दरंदले,किशोर शिरसाठ यांनीं केली आहे.