📰सरन्यायाधीश भूषण गवई यांच्यावर केलेल्या भ्याड हल्ल्याचा कट उघड करा..!..चांदीवली तालुका रिपब्लिकन पार्टी ऑफ इंडियाचा पोलिसांकडे निवेदनाद्वारे तीव्र निषेध..

📰सरन्यायाधीश भूषण गवई यांच्यावर केलेल्या भ्याड हल्ल्याचा कट उघड करा..!..चांदीवली तालुका रिपब्लिकन पार्टी ऑफ इंडियाचा पोलिसांकडे निवेदनाद्वारे तीव्र निषेध..

मुंबई (प्रतिनिधी):-सरन्यायाधीश भूषण गवई यांच्यावर बूट फेकून केलेल्या भ्याड हल्ल्याची सखोल चौकशी करून दोषींवर अ‍ॅट्रॉसिटी कायद्यान्वये कडक कारवाई करावी,अशी मागणी रिपब्लिकन पार्टी ऑफ इंडिया (A) चांदीवली महिला तालुका अध्यक्षा सोनाली प्रधान/बनसोडे यांनी व सहकाऱ्यांनी साकीनाका पोलीस ठाण्याचे वरिष्ठ पोलिस निरीक्षक यांच्याकडे निवेदनाद्वारे केली आली आहे.

१३ ऑक्टोबर २०२५ रोजी पक्षाच्या महिला आघाडीच्या नेत्या सोनाली प्रधान/बनसोडे यांच्या नेतृत्वाखाली हे निवेदन सादर करण्यात आले.या निवेदनात म्हटले आहे की,दिनांक ६ ऑक्टोबर रोजी सरन्यायाधीश भूषण गवई यांच्यावर बुट फेकून केलेला हल्ला हा अत्यंत गंभीर आणि समाजात दहशत पसरविणारा प्रकार आहे.या प्रकरणातील आरोपी विरोधात Atrocity Act अंतर्गत कठोर कायदेशीर कारवाई करण्यात यावी.या निवेदनावर अनेक कार्यकर्त्यांच्या स्वाक्षऱ्या असून, उपस्थितांनी या घटनेचा तीव्र निषेध नोंदवत,न्यायासाठी एकत्र लढा देण्याचा संकल्प व्यक्त केला.रिपब्लिकन पार्टीचे राष्ट्रीय अध्यक्ष केंद्रीय सामाजिक न्याय मंत्री रामदास आठवले यांच्या मार्गदर्शनाखाली या घटनेचा निषेध करण्यात आला असून, समाजातील न्याय आणि समानतेच्या मूल्यांसाठी ही चळवळ पुढे नेली जाणार असल्याचे कार्यकर्त्यांनी सांगितले.सोनाली प्रधान/बनसोडे यांच्यासह असलेल्या कार्यकर्त्यांनी स्पष्ट केले की,भूषण गवई यांच्यावर झालेल्या हल्ला केवळ वैयक्तिक वाद न म्हणता, सामाजिक अन्यायाचे रूप समजून पोलिसांनी वेगाने गुन्हेगारांना अटक करावी.समाज न्यायासाठी लढणाऱ्यांवर होणाऱ्या अत्याचारांना आम्ही मूक राहणार नाही.या निवेदनाला विद्या जाधव,गोपाल, मंगेश,अजित, विकास, शाहाजी, महेश,पिंकू आदी कार्यकर्त्यांच्या स्वाक्षऱ्या आहेत.