सिगारेटची बॅग चोरी करणाऱ्या दोघांना पुण्यात स्थानिक गुन्हे शाखेच्या पथकाने ठोकल्या बेड्या 

अहमदनगर (दि.२९ एप्रिल):-सिगारेटची बॅग चोरी करणाऱ्या दोघा आरोपीना पुणे येथुन ४८ हजार ४०० रुपये किमतीच्या मुद्देमालासह स्थानिक गुन्हे शाखेच्या पथकाने ताब्यात घेतले आहे.बातमीची हकीगत अशी की,यातील तक्रारदार श्री.मिराज मुमताज शेख (रा.मुकुंदनगर) हे गोडफ्रे फिलीप्स इंडिया लिमिटेल या कंपनीमध्ये सेल्समन म्हणुन काम करत असुन ते दि.२२ एप्रिल रोजी अहमदनगर येथुन सुपा परिसरामध्ये सिगारेट विक्रीकरीता गेले होते.तक्रारदार यांनी त्यांचे कडे असलेली सिगारेटची बॅग मोपेड मोटारसायकलवर ठेवुन सुपा येथील साईश्रध्दा किराणा स्टोअर्स या दुकानामध्ये गेले असता कोणीतरी अज्ञात चोरट्यांनी १ लाख ९ हजार ७०४ रुपये किमतीचे सिगारेट व रोख रक्कम असलेली बॅग चोरुन नेली होती.या घटनेबाबत सुपा पोलीस ठाणे गु.र.नं. 193/2024 भादवि कलम 379,34 प्रमाणे गुन्हा दाखल करण्यात आला होता.

जिल्हा पोलीस अधीक्षक श्री.राकेश ओला यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्री.दिनेश आहेर यांच्या सूचनेनुसार स्थानिक गुन्हे शाखेचे पथक सुपा परिसरामध्ये जावुन घटना ठिकाणचे तसेच आजुबाजुच्या परिसरातील फुटेजची पाहणी करत असताना पथकास ४ इसम सिगारेटचे बॉक्स असलेली बॅग पुणे कडे घेऊन जातांना दिसले.फुटेजमधील संशयीत इसमांची माहिती घेत असतांना फुटेज मधील एक इसम हा आकाश भवरसिंह राजपुत (रा. पुणे) असल्याचे निष्पन्न झाले.

सदर आरोपीची माहिती काढत असतांना तो त्याचे साथीदासह त्यांचे राहते घरी आला असल्याची माहिती प्राप्त झाल्याने पथकाने पुणे येथे जावुन आरोपी नामे आकाश उर्फ बंटी भवरसिंह राजपुत रा. विद्यानगर झोपडपट्टी मस्जिदजवळ,पिंपरी पुणे,रोहित मदन कुर्मी यांना ताब्यात घेतले. त्यांचे कडे सदर गुन्ह्याबाबत विचारपुस करता त्यांनी विशाल उर्फ बारक्या अनिल नलवडे रा.रामनगर,पिंपरी चिंचवड पुणे (फरार), रोहित छोटु भोसले रा. रामनगर,पिंपरी,चिंचवड पुणे (फरार) यांचे सोबत गुन्हा केल्याची कबुली दिली आहे.ताब्यात घेण्यात आलेल्या आरोपीकडुन 8000/- रुपये रोख रक्कम व 40,400/- रुपये किमतीचे सिगारेटचे बॉक्स,बॅग असा एकुण 48,400/-रुपये किमतीचा मुद्देमाल हस्तगत करण्यात आला आहे.

ताब्यातील आरोपींना पुढील तपासकामी सुपा पोलीस ठाणे येथे हजर करण्यात आले असुन पुढील तपास सुपा पोलीस ठाणे करीत आहे.सदरची कारवाई श्री.राकेश ओला पोलीस अधीक्षक,श्री.प्रशांत खैरे अपर पोलीस अधीक्षक,श्री.संपत भोसले उपविभागीय पोलीस अधिकारी नगर ग्रामीण उपविभाग यांचे सुचना व मार्गदर्शनाखाली स्थानिक गुन्हे शाखेतील पोउपनि/तुषार धाकराव, पोलीस अंमलदार भाऊसाहेब काळे, दत्तात्रय हिंगडे,मनोहर गोसावी,रविंद्र कर्डीले, अमृत आढाव,सागर ससाणे,फुरकान शेख, मेघराज कोल्हे,संतोष खैरे,संभाजी कोतकर यांनी केलेली आहे.