🔥अहिल्यानगर महापालिका निवडणुकीत रणशिंग फुंकले..प्रभाग ५-ब मधून ॲड.धनंजय जाधव यांचा मागासवर्ग प्रवर्गातून उमेदवारी अर्ज दाखल

🔥अहिल्यानगर महापालिका निवडणुकीत रणशिंग फुंकले..प्रभाग ५-ब मधून ॲड.धनंजय जाधव यांचा मागासवर्ग प्रवर्गातून उमेदवारी अर्ज दाखल

अहिल्यानगर (प्रतिनिधी):-अहिल्यानगर महानगरपालिकेच्या सार्वत्रिक निवडणुकीच्या पार्श्वभूमीवर शहराच्या राजकारणात हालचालींना वेग आला असून, आज माजी नगरसेवक तथा सामाजिक कार्यकर्ते ॲड.धनंजय जाधव यांनी प्रभाग क्रमांक ५-ब मधून नागरिकांचा मागासवर्ग प्रवर्ग या गटातून आपला उमेदवारी अर्ज अधिकृतपणे दाखल केला.त्यांच्या उमेदवारीमुळे प्रभाग ५-ब मधील निवडणूक लढत अधिकच रंगतदार होण्याची चिन्हे दिसून येत आहेत.उमेदवारी अर्ज दाखल करताना परिसरातील नागरिक, कार्यकर्ते,समर्थक आणि समाजातील विविध घटक मोठ्या संख्येने उपस्थित होते.यावेळी उत्साहाचे वातावरण असून, “विकास,पारदर्शकता आणि जनहित” या मुद्द्यांवर विश्वास ठेवून नागरिकांनी ॲड.धनंजय जाधव यांना पाठिंबा दर्शविला.

माजी नगरसेवक म्हणून केलेल्या कार्यकाळात प्रभागातील मूलभूत सुविधा,नागरी प्रश्नांची सोडवणूक,रस्ते,पाणीपुरवठा, स्वच्छता तसेच सामाजिक उपक्रमांमध्ये त्यांनी सक्रिय सहभाग घेतला आहे.विशेषतः मागासवर्गीय नागरिकांच्या प्रश्नांसाठी त्यांनी सातत्याने आवाज उठविल्याने त्यांची प्रतिमा लोकाभिमुख व संघर्षशील नेत्याची राहिली आहे.उमेदवारी अर्ज दाखल केल्यानंतर बोलताना ॲड.धनंजय जाधव म्हणाले की, “प्रभाग ५-ब मधील सर्वसामान्य नागरिकांच्या समस्या, शहराच्या सर्वांगीण विकासासाठी मी कटिबद्ध आहे.नागरिकांचा विश्वास आणि पाठिंबा हेच माझे खरे भांडवल आहे.”त्यांच्या या उमेदवारीमुळे प्रभाग ५-ब मध्ये निवडणुकीची वातावरण तापले असून,येत्या काळात प्रचाराला अधिक वेग येण्याची शक्यता व्यक्त केली जात आहे.नागरिकांच्या अपेक्षा आणि विकासाच्या मुद्यांवर ही निवडणूक लढवली जाणार असल्याचे स्पष्ट संकेत मिळत आहेत.