अहमदनगर (दि.१९ एप्रिल):-जिल्ह्यातील अवैध धंद्याचे समुळ उच्चाटन करण्याच्या दृष्टीने माहिती घेवुन कायदेशीर कारवाई करणे बाबत जिल्हा पोलीस अधीक्षक राकेश ओला यांनी स्थानिक गुन्हे शाखेचे पोलीस निरीक्षक दिनेश आहेर यांना आदेशित केले होते.नमूद दिलेल्या आदेशावरून स्थानिक गुन्हे शाखेच्या पथकाने संगमनेर शहरामध्ये कारवाई करत गोवंशीय जनावराची कत्तल करणारे ३ आरोपी व 20 लाख 72,000/-रुपये किमतीच्या मुद्देमालासह जेरबंद करण्यात स्थानिक गुन्हे शाखेच्या पथकाला यश आले आहे.
स्थानिक गुन्हे शाखेच्या पथकाने संगमनेर शहर पोलीस ठाणे हद्दीमध्ये अवैध धंद्याची माहिती काढत असतांना पोलीस पथकास गुप्त बातमीदारामार्फत माहिती मिळाली की, जमजम कॉलनी, संगमनेर या ठिकाणी महाराष्ट्र राज्यामध्ये गोवंशी जनावरांचे कत्तल करण्याची मनाई असतांना गोवंश जातीचे जिवंत जनावरे कत्तल करण्याचे उद्देशाने आणुन त्यांची कत्तल करत आहेत अशी बातमी मिळाल्याने पोलिस पथकाने तेथे जावुन खात्री केली असता 3 इसम दोन पिकअपमध्ये कत्तल केलेले जनावरांचे मांस भरतांना दिसले. त्यावेळी पथकाने सदर ठिकाणी छापा टाकुन सदरचे 3 इसमांना ताब्यात घेवुन त्यांना त्यांची नावे विचारले असता त्यांनी त्यांची नावे रैय्यान शेरखान पठाण, सलमान हारुन मणियार, राझिक अब्दुल रज्जाक शेख रा.अलकानगर, दिल्ली नाका,संगमनेर असे असल्याचे सांगितले.
ताब्यात घेण्यात आलेल्या इसमाचे कब्जातुन 1) 6,00,000/- रुपये किमतीची पिकअप गाडी व त्यामध्ये 4,50,000/-रुपये किमतीचे 1500 किलो गोमांस, 2) 6,00,000/-रुपये किमतीची पिकअप क्रमांक एम.एच. 11 ए. जी. 3246 व त्यामध्ये 1400 किलो गोमांस, 3)2000/-रुपये किमतीचा एक सत्तुर, दोन सुरे व एक कुऱ्हाड असा एकुण 20,72,000/- रुपये किमतीचा मुद्देमाल जप्त करुन ताब्यातील इसमां विरुध्द पोहेकॉ/1487 सचिन दत्तात्रय अडबल नेम.स्थानिक गुन्हे शाखा, यांचे फिर्यादीवरुन संगमनेर शहर पोलीस ठाणे गु.र.नं. 377/2024 भादवि कलम 269, 249, 34 महाराष्ट्र पशुसंरक्षण अधिनियम सन 1995 चे सुधारीत 2015 चे कलम 5 (अ)(ब) (क) 9 प्रमाणे गुन्हा दाखल करण्यात आला असुन पुढील तपास संगमनेर शहर पोलीस ठाणे करीत आहे.
सदरची कारवाई श्री.राकेश ओला पोलीस अधीक्षक,श्री.वैभव कलुबर्मे अपर पोलीस अधीक्षक श्रीरामपुर,श्री. सोमनाथ वाकचौरे, उपविभागीय पोलीस अधिकारी संगमनेर उपविभाग संगमनेर यांचे सुचना व मार्गदर्शनाखाली स्थानिक गुन्हे शाखेचे पोलीस निरीक्षक दिनेश आहेर यांच्या सूचनेनुसार पोउपनि/तुषार धाकराव, पोलीस अंमलदार सचिन अडबल,बापुसाहेब फोलाणे,गणेश भिंगारदे, संतोष लोढे,अतुल लोटके,संतोष खैरे, रणजित जाधव,रविंद्र घुंगासे,सागर ससाणे, बाळासाहेब गुंजाळ, आकाश काळे,विशाल तनपुरे,उमाकांत गावडे यांनी केलेली आहे.