अहमदनगर (दि.८ ऑगस्ट):-नगर तालुक्यातील विळद परिसरात पर्यटकावर दरोडा टाकुन लुटणारी टोळी जेरबंद करण्यात स्थानिक गुन्हे शाखेला मोठे यश मिळाले आहे.बातमीची हकीगत अशी की,दि.3 ऑगस्ट 2024 रोजी घटनेतील फिर्यादी श्री.वैभव उत्तम सहजराव (रा.जांब,जिल्हा परभणी हल्ली रा.पंचवटी नगर,भिस्तबाग चौक,सावेडी अहमदनगर) हे विळद परिसरातील गवळीवाडा वॉटर फॉल येथे फिरण्यास गेले असता अनोळखी 5 इसमांनी फिर्यादीस लाथाबुक्या व काठीने मारहाण करुन 6,900/-रुपये किंमतीचा मोबाईल फोन,चांदीची चैन,अंगठी व रोख रक्कम चोरी करुन नेले बाबत एमआयडीसी पो.स्टे. येथे गु.र.नं. 627/24 भारतीय न्याय संहिता कलम 310 (2) प्रमाणे दरोड्याचा गुन्हा दाखल करण्यात आला आहे.
हि घटना घडल्यानंतर जिल्हा पोलीस अधीक्षक श्री.राकेश ओला यांनी स्थानिक गुन्हे शाखेचे पोनि/श्री.दिनेश आहेर यांना स्थानिक गुन्हे शाखेतील पोलीस अधिकारी व अंमलदार यांचे पथक नेमुन गुन्ह्याचा समांतर तपास करुन गुन्हा उघडकीस आणणेबाबत आदेशित केले होते.सदर आदेशान्वये पोनि/श्री. दिनेश आहेर यांनी स्थानिक गुन्हे शाखेचे पथक नेमुन अशा प्रकारचे गुन्हे करणारे रेकॉर्डवरील आरोपींची माहिती घेणे बाबत आवश्यक सुचना देवुन पथकास रवाना केले.पथक तांत्रिक विश्लेषणाचे आधारे व गुप्तबातमीदारा मार्फत एमआयडीसी,बोल्हेगांव, विळद व राहुरी परिसरातील रेकॉर्डवरील गुन्हेगारांची माहिती घेत असतांना पोनि/श्री. दिनेश आहेर यांना गुप्तबातमीदारा मार्फत वर नमुद गुन्हा हा इसम नामे सुरेश रणजीत निकम व विलास बर्डे दोन्ही रा.कात्रड, ता. राहुरी यांनी त्यांचे इतर 3 साथीदारांसह केला असुन ते कात्रड गांवातील स्मशानभुमी जवळ बसलेले आहेत आता गेल्या मिळुन येईल अशी खात्रीशीर माहिती मिळाल्याने पोनि/श्री. आहेर यांनी प्राप्त माहिती पथकास देवुन बातमीतील ठिकाणी कात्रड,ता.राहुरी येथील स्मशानभुमी जवळ जावुन खात्री करुन आवश्यक कारवाई करणे बाबत कळविले.
पथकाने लागलीच राहुरी तालुक्यातील कात्रड गांवातील स्मशानभुमी जवळ जावुन पहाणी केली असता काही इसम एका झाडा खाली गप्पा मारत बसलेले दिसले. पथकाने त्यांना घेराव घालुन शिताफीने ताब्यात घेतले.ताब्यातील संशयीतांना पोलीस पथकाची ओळख सांगुन त्यांचे नाव गांव विचारले असता त्यांनी त्यांची नावे सुरेश रणजीत निकम, विलास संजय बर्डे,रोहित संदीप शिंदे,ज्ञानेश्वर भानुदास बर्डे,शांताराम भानुदास काळकुंड असे असल्याचे सांगितले. त्यांचे कडे नमुद गुन्ह्याचे अनुषंगाने विचारपुस केली असंता सुरुवातीस ते उडवाउडवीची उत्तरे देवु लागले.त्यांना अधिक विश्वासात घेवुन सखोल व बारकाईने चौकशी करता त्यांनी गुन्हा केल्याचे सांगितल्याने पाचही आरोपींना एमआयडीसी पोलीस स्टेशन येथे हजर केले आहे.पुढील तपास एमआयडीसी पोलीस स्टेशन करीत आहे.सदरची कारवाई श्री.राकेश ओला पोलीस अधीक्षक,श्री.प्रशांत खैरे अपर पोलीस अधीक्षक,श्री.संपत भोसले उपविभागीय पोलीस अधिकारी नगर ग्रामिण विभाग यांचे सुचना व मार्गदर्शना खाली स्थानिक गुन्हे शाखेचे सपोनि/हेमंत थोरात,पोहेकॉ/गणेश भिंगारदे,संतोष लोढे, अतुल लोटके,देवेंद्र शेलार,पोना/फुरकान शेख,पोकॉ/रविंद्र घुगांसे, आकाश काळे,मयुर गायकवाड,किशोर शिरसाठ,रोहित येमुल, प्रमोद जाधव,प्रशांत राठोड,चापोहेकॉ/ चंद्रकांत कुसळकर व चापोकॉ/अरुण मोरे यांनी केली आहे.