अहमदनगर (दि.८ ऑगस्ट):-अहमदनगर शहरातून तब्बल १५ मोटार सायकल चोरी करणाऱ्या सराईत चोरटयास कोतवाली पोलीसांनी 5 लाख 25, 000-रू.किंमतीच्या मुद्देमालासह जेरबंद केले आहे.माळीवाडा इम्पेरियल चौक येथे रोडच्या कडेला पार्क केलेल्या वाहनांच्या आसपास एक इसम विनाकारण संशयितरित्या फिरत होता.त्यास कोतवाली पोलिसांच्या पेट्रोलिंग करत असलेल्या पोलिसांनी नाव विचारले असता त्याने त्याचे नाव गंगाराम बंडू कुऱ्हाडे (रा.अंबड,जिल्हा छत्रपती संभाजी नगर) असे सांगितले.
त्याच्याकडे अधिक चौकशी केली असता त्याने पोलिसांना सांगितले की मी काही काम धंदा करत नाही मला दारू पिण्याचे व्यसन आहे व फिरायला जाण्यासाठी पैशाची गरज आहे म्हणून मी माळीवाडा परिसरातून गाड्या चोरून त्या काही दिवस वापरून त्यातले पेट्रोल संपल्यानंतर त्या वेगवेगळ्या ठिकाणी लपवून ठेवल्या आहे व त्या विक्री करता त्यांना ग्राहक शोधत आहे.अशी कबुली दिल्याने पंचांसमक्ष आरोपीने चोरलेल्या गाड्या जप्त करण्यात आल्या आहेत.पुढील तपास पोलीस हेड कॉन्स्टेबल राजेंद्र औटी करत आहेत.
सदरची कारवाई ही पोलीस अधिक्षक श्री.राकेश ओला,अप्पर पोलीस अधिक्षक श्री.प्रशांत खैरे,उपविभागीय पोलीस अधिकारी नगर शहर विभाग श्री अमोल भारती यांचे मार्गदर्शनाखाली पोलीस निरीक्षक श्री.प्रताप दराडे,सपोनी/विकास काळे,पोसई/महेश शिंदे, कृष्णकुमार शेंदवाड गुन्हे शोध पथकाचे पोहेकॉ/सुर्यकांत डाके,विक्रम वाघमारे,विशाल दळवी, योगेश भिंगारदिवे,गणेश धोत्रे,रियाज इनामदार मपोना/संगिता बडे, पोना/अविनाश वाकचौरे, पोना/सलिम शेख, सत्यम शिंदे,अभय कदम,अमोल गाडे, सुजय हिवाळे,अनुप झाडबुके,सचिन लोळगे, अतुल काजळे,सतिष शिंदे,सुरज कदम, तानाजी पवार,दिपक रोहोकले,राम हंडाळ, शिवाजी मोरे,तसेच सायबर सेलचे राहुल गुंडु यांनी केली आहे.