बेलापूर प्रतिनिधी (दि.१३ जानेवारी):-बेलापूर येथील बाजारतळात स्ट्रीट लाईट लावण्यात यावी गौसे आजम सेवाभावी संस्थेने ग्रामविकास अधिकारी यांच्याकडे निवेदनाद्वारे केली मागणी,दिलेल्या निवेदनात म्हटले आहे की बेलापूर येथे प्रवारानदी तिरावर आठवडा बाजार भरत असतो.या आठवडा बाजारत मोठया प्रमाणावर भाजीपाला विक्रेते येत असतात तसेच या आठवडा बाजारासाठी बाहेरगावचे व्यापारी तसेच लांब लांबून ग्राहक येत असतात त्यामुळे हा आठवडा बाजार सायंकाळी बराच उशीरापर्यंत चालू असतो . परंतू या आठवडे बाजाराच्या ठिकाणी स्ट्रीट लाईट नसल्यामुळे व्यापारी तसेच ग्राहकांना खूपच त्रास होतो. अंधारात भाजीपाला व इतर वस्तुंची खरेदी करावी लागते. या बाजारात मोठ्या प्रमाणात गर्दी होत असते स्ट्रिट लाईट नसल्यामुळे चोऱ्या तसेच लुटमार नेहमीच होत असून आतापर्यंत अंधाराचा फायदा घेवून चोरटयांनी अनेकांच मोबाईल लांबविले आहेत. तरी व्यापारी तसेच ग्राहकांची गैरसोय टाळण्यासाठी आपण आठवडे बाजारात त्वरीत स्ट्रिट लाईट बसवावेत जेणेकरून व्यापारी व ग्राहकांची गैरसोय दूर होऊन सर्व व्यवहार उशीरापर्यंत सुरळीतपणे चालू शकतील. तरी आठवडे बाजारात येत्या १५ दिवसांत स्ट्रिट लाईट बसविण्यात यावे अन्यथा एकही व्यापारी ग्रामपंचायतीची पावती फाडणार नाही तसेच गौसे आजम सेवाभावी संस्थेच्या वतीने पदाधिकारी व कार्यकर्त्यांसह उग्र स्वरुपाचे आंदोलन छेडण्यात येईल होणा-या सर्व परिणामांची जबाबदारी ही ग्रामपंचायत प्रशासनाचीच राहिल याची कृपया नोंद घ्यावी.यावेळी गौसे आजम सेवा भावी संस्थेचे संस्थापक मुख़्तार सय्यद,अध्यक्ष सुल्तान शेख,जिल्हा परिषद सदस्य शरद नवले,सरपंच महेंद्र साळवी,उपसरपंच अभिषेक खंडागळे,ग्रामपंचायत सदस्य मुस्ताक शेख,संस्थेचे सदस्य जाकिर बागवान,अजीज शेख भीम गर्जना तालुका अध्यक्ष रफीक शाह,आदि उपस्थित होते.