५ फेब्रुवारी संत रोहिदास महाराज जयंतीदिनी सामाजिक न्याय विभागाच्या वतीने समाजातील भरीव समाज कार्य करणाऱ्या बांधवांना पुरस्कार देण्यात यावा चर्मकार विकास संघाची मुख्यमंत्र्यांकडे मागणी

प्रतिनिधी (१४ जानेवारी):-चर्मकार विकास संघाच्या वतीने प्रदेशाध्यक्ष संजय खामकर व मुंबई प्रदेश अध्यक्ष सुभाष मराठे यांनी मुख्यंमत्री एकनाथ शिंदे यांना निवेदन देऊन संत रोहिदास महाराज पुरस्कार जाहीर करण्यासाठी विनंती केली.शासनाच्या सामाजिक न्याय विभागाच्या वतिने संत रोहिदास महाराज पुरस्कार चर्मकार समाजातील भरीव सामाजिक कार्य व संत रोहिदास महाराज यांचा प्रचार,प्रसार करणाऱ्या समाज बांधवांना दर वर्षी पुरस्कार प्रदान करण्यात येतो परंतु सन २०१९ पासुन २०२१ /२०२२ या वर्षीचे पुरस्कार देण्यात आले नाहीत.संत रोहिदास महाराज जयंती ५ फेब्रुवारी २०२३ रोजी मोठ्या उत्साहात संपुर्ण भारतासह महाराष्ट्रात साजरी करण्यात येणार आहे. जयंतीच्या शुभदिनी संत रोहिदास महाराज पुरस्कार मिळाला तर समाज बांधवांचा आनंद व्दिगणीत होईल म्हणुन चर्मकार विकास संघाच्या वतिने मुख्यंमत्री एकनाथ शिंदे तसेच खासदार ङाँ.श्रीकांत शिंदे यांची भेट घेवुन निवेदन देण्यात आले तसेच खासदार ङाँ श्रीकांत शिंदे यांच्याशी समाजाच्या विविध प्रश्नावर सविस्तर चर्चा करण्यात आली असता पुढील काळात मुख्यंमत्री एकनाथ शिंदे साहेब यांच्या पुढाकाराने शासनाच्या माध्यमातून चर्मकार समाजाचे प्रश्न सोङवुन समाजाला न्याय देण्यात येईल असे अश्वासन दिले.या प्रसंगी बाळासाहेबांची शिवसेना प्रवक्ता माजी मंत्री विजय शिवथरे ,प्रवक्ता नरेश म्हस्के,राज्य प्रवक्ता संजय भोर,चर्मकार विकास संघ मुंबई प्रदेशअध्यक्ष सुभाष मराठे,चर्मकार विकास संघ प्रदेशअध्यक्ष संजय
खामकर,चर्मकार विकास संघ मुंबई महिला प्रदेशाध्यक्षा प्रियंका गजरे इत्यादी उपस्थित होते.