तिरट जुगाराचा अड्डा उध्वस्त.. विशेष पोलीस पथकाचा छापा
अहिल्यानगर (प्रतिनिधी):-भिंगार कॅम्प पोलीस स्टेशन हद्दीत सुरू असलेल्या तिरट जुगार अड्ड्यावर पोलिसांनी छापा टाकून तब्बल १७ लाख ३२ हजार ९९० रुपये किंमतीचा मुद्देमाल जप्त केला आहे.ही कारवाई छत्रपती संभाजीनगर मार्गावरील हॉटेल इंद्रायणी शेजारील पत्र्याच्या शेडमध्ये करण्यात आली.या कारवाईत १२ इसमांविरुद्ध गुन्हा दाखल करण्यात आला असून पोलिसांनी त्यांना ताब्यात घेतले आहे.
याप्रकरणी भिंगार कॅम्प पोलीस स्टेशन येथे महाराष्ट्र जुगार प्रतिबंधक कायदा कलम १२ (अ) अन्वये गुन्हा दाखल करण्यात आला आहे.ही कारवाई पोलीस अधीक्षक घार्गे, अप्पर पोलीस अधीक्षक वैभव कलुबर्मे, नगर शहर विभागाचे उपविभागीय पोलीस अधिकारी अमोल भारती यांच्या मार्गदर्शनाखाली पोलिस उपनिरीक्षक योगेश चाहेर,पोलिस उपनिरीक्षक राजेंद्र वाघ,पोलीस अंमलदार शंकर चौधरी,दिगंबर कारखेले,मल्लिकार्जुन बनकर, अजय साठे,सुनिल पवार,उमेश खेडकर,अरविंद भिंगारदिवे, दिनेश मोरे,योगेश भिंगारदिवे,सुनिल दिघे,अमोल कांबळे,संभाजी बोराडे,विजय ढाकणे,दिपक जाधव,जालिंदर दहिफळे यांनी केली आहे.