‘फिटनेस की डोस आधा घंटा रोज’..जिल्हा पोलीस दलातर्फे भव्य सायक्लोथॉन स्पर्धा सहभागी होण्याचे आवाहन
अहिल्यानगर (प्रतिनिधी):-भारत सरकार क्रिडा विभागाच्या निर्देशानुसार “फिट इंडिया” मोहिमे अंतर्गत दि.२४ ऑगस्ट २०२५ रोजी अहिल्यानगर जिल्हा पोलीस दलातर्फे सायक्लोथॉन स्पर्धा हि डीएसपी चौक एसबीआय चौक पुणे बसस्टॅण्ड सक्कर चौक न्यु टिळक रोड नेप्ती नाका दिल्ली गेट बालिकाश्रम रोड -नायरा पेट्रोलपंप प्रेमदान चौक पत्रकार चौक तारकपुर डीएसपी चौक अशी १५ कि.मी. गटामध्ये घेण्यात येणार आहे.
तरी जिल्हा पोलीस दलातर्फे सर्व सायकलपटु यांना विनंती करण्यात येते की,ज्याना सदरच्या सायक्लोथॉन मध्ये सहभाग घ्यायचा असेल त्यांनी दि.२४ ऑगस्ट २०२५ रोजी सकाळी ६.३० वा.पोलीस अधीक्षक कार्यालय या ठिकाणी स्वतःची सायकल,हेल्मेट व योग्य त्या साहित्यासह हजर राहावे. सदर सायक्लोथॉन मध्ये सहभाग घेणाऱ्या स्पर्धकांना अहिल्यानगर जिल्हा पोलीस दलातर्फे सहभाग प्रमाणपत्र देऊन गौरविण्यात येणार असल्याने जिल्हयातील जास्तीत जास्त स्पर्धेकांनी सहभाग नोंदवावा.सदर उपक्रमाचा हेतु पोलीस दल व नागरिकांमध्ये “फिटनेस की डोस आधा घंटा रोज “ या संदेशाचा प्रसार करणे व फिटनेसला दैनंदिन जीवनशैलीचा अविभाज्य भाग बनविणे हा आहे.