डॉ.बाबासाहेब आंबेडकरांबद्दल आक्षेपार्ह लिखाण करणारा तो इसम 24 तासांत अटकेत..अहिल्यानगर स्थानिक गुन्हे शाखेची धडाकेबाज कारवाई
अहिल्यानगर (दि. ७ ऑक्टोबर २०२५):- महापुरुषांबद्दल आक्षेपार्ह शब्द वापरून समाजात तेढ निर्माण करणाऱ्या इसमाला अहिल्यानगर स्थानिक गुन्हे शाखेने अवघ्या २४ तासांत अटक केले.या प्रकरणी कोतवाली पोलिस ठाण्यात गु. र. नं. ९०२/२०२५, भारतीय न्याय संहिता २०२३ चे कलम ३५३(२), ३५६(२), ३५२ अन्वये गुन्हा दाखल करण्यात आला होता. सदर प्रकरणातील आरोपीचा शोध घेण्याचे आदेश पोलीस अधीक्षक श्री. सोमनाथ घार्गे यांनी स्थानिक गुन्हे शाखेस दिले होते.
त्या आदेशानुसार पोलीस निरीक्षक किरणकुमार कबाडी यांच्या मार्गदर्शनाखाली दोन विशेष पथके तयार करण्यात आली. या पथकांमध्ये पो.उ.नि. दीपक मेढे, श्रे.पो.उ.नि. राजेंद्र वाघ, पो.हे.कॉ. शाहिद शेख, सुनिल पवार, अतुल लोटके, दीपक घाटकर, सुयोग सुपेकर, फुरकान शेख तसेच पोकॉ सागर ससाणे, अमृत आढाव, योगेश कर्डीले,प्रशांत राठोड आणि प्रमोद जाधव यांनी सहभाग घेतला.
गोपनीय माहिती आणि व्यावसायिक कौशल्याचा वापर करून पथकांनी आरोपीचा शोध घेतला. आरोपी वेषांतर करून शहरातील विविध भागात फिरत असताना त्याला मोठ्या शिताफीने ताब्यात घेण्यात आले. अटक करण्यात आलेला आरोपी फरीद सुलेमान खान (वय ३०, रा. आलमगिर, भिंगार, ता. जि. अहिल्यानगर) याने चौकशीत गुन्हा केल्याची कबुली दिली आहे.सदर आरोपीला पुढील तपासासाठी कोतवाली पोलीस ठाण्याच्या ताब्यात देण्यात आले असून, पुढील तपास सुरू आहे.
ही कारवाई पोलीस अधीक्षक श्री. सोमनाथ घार्गे, अपर पोलीस अधीक्षक श्री. वैभव कलुबर्मे, तसेच उपविभागीय पोलीस अधिकारी श्री. दिलीप टिपरसे यांच्या मार्गदर्शनाखाली स्थानिक गुन्हे शाखेतील अधिकाऱ्यांनी व कर्मचाऱ्यांनी केली.