💎“सोने-चांदीचे भाव आवरा;गरीब मुलींच्या संसाराचे स्वप्न तुटतेय..!” विश्व मानव अधिकार परिषद मराठवाडा अध्यक्ष परविन सय्यद यांची केंद्र सरकारकडे भावनिक मागणी

💎“सोने-चांदीचे भाव आवरा;गरीब मुलींच्या संसाराचे स्वप्न तुटतेय..!” विश्व मानव अधिकार परिषद मराठवाडा अध्यक्ष परविन सय्यद यांची केंद्र सरकारकडे भावनिक मागणी

बीड (प्रतिनिधी):- विश्व मानव अधिकार परिषद मराठवाडा प्रदेशाध्यक्षा परविन सय्यद यांनी केंद्र सरकारकडे सोने आणि चांदीच्या वाढत्या दरांबाबत गंभीर चिंता व्यक्त करत भाव नियंत्रणाची मागणी केली आहे. “आज गरीब कुटुंबांना त्यांच्या मुलींच्या लग्नात थोडंसं सोनं-चांदीचे दागदागिने विकत घेणंसुद्धा परवडत नाही.दररोज वाढणाऱ्या किमतींमुळे सामान्य लोकांच्या स्वप्नांवर पाणी फिरत आहे,” असे सय्यद यांनी सांगितले.

परविन सय्यद यांनी सांगितले की,“सोने आणि चांदी हे भारतीय संस्कृतीचा एक अविभाज्य भाग आहे. प्रत्येक आईवडील आपल्या मुलीच्या लग्नावेळी तिला थोडं सोनं द्यावं, अशी इच्छा बाळगतात. पण दिवसेंदिवस वाढणाऱ्या दरांमुळे ही इच्छा अनेक गरीब पालकांसाठी अशक्य होत चालली आहे. सरकारने या बाबीकडे तातडीने लक्ष द्यावे.”त्यांनी केंद्र सरकारकडे सोने-चांदीच्या दरावर नियंत्रण ठेवण्यासाठी विशेष धोरण आखावे, तसेच लग्नासारख्या सामाजिक कारणांसाठी कमी दरात सोने उपलब्ध करून देण्याबाबत ‘विवाह योजना दर’ तयार करण्याची मागणी केली आहे.

सय्यद म्हणाल्या, “आर्थिक परिस्थिती दुर्बळ असलेल्या कुटुंबांना मदत मिळाली पाहिजे. दररोज भाववाढ होत असताना सामान्य लोकांच्या खिशाला झळ पोहोचते आहे. सरकारने त्वरित उपाययोजना न केल्यास याचा सामाजिक परिणाम गंभीर होईल.”