📰“भाऊबीजेची ऊब वंचित भगिनींपर्यंत”..स्नेहलयाचा ‘माहेरची साडी’ उपक्रम २०व्या वर्षात  एक साडी, हजार आशा..!

📰“भाऊबीजेची ऊब वंचित भगिनींपर्यंत”..स्नेहलयाचा ‘माहेरची साडी’ उपक्रम २०व्या वर्षात  एक साडी, हजार आशा..!

अहिल्यानगर, दि.12 ऑक्टोबर (प्रतिनिधी):- दिवाळी म्हटली की आनंद, प्रकाश आणि आपुलकीचा सण! परंतु अनेक वंचित भगिनींसाठी ही दिवाळी ओसाड असते — कारण त्यांना भाऊ नाही, माहेर नाही.अशा भगिनींच्या चेहऱ्यावर हास्य फुलवण्यासाठी अहिल्यानगर येथील स्नेहालय संस्थेने मागील दोन दशकांपासून एक हृदयस्पर्शी परंपरा जोपासली आहे — ‘माहेरची साडी’ उपक्रम.

या उपक्रमाअंतर्गत भाऊबीजेच्या निमित्ताने वंचित माता-भगिनींना नवीन साडी भेट देण्यात येते. सामाजिक कार्यकर्ते स्व. धर्मराज शंकर औटी गुरुजी यांच्या प्रेरणेने सुरू झालेला हा उपक्रम आजही प्रेम आणि ममतेचा संदेश देतो. औटी गुरुजींनी सुरू केलेली ही परंपरा आता अभंग प्रतिष्ठान, श्रीक्षेत्र देहू आणि स्नेहालय परिवार यांच्या संयुक्त विद्यमाने पुढे चालवली जाते.स्नेहालयचे विश्वस्त किरिटी मोरे यांनी सांगितले की, “मिळालेली माहेरची साडी ही केवळ वस्त्र नसून त्या भगिनींसाठी जगण्याची नवी उमेद आणि आशा असते.”स्नेहालय परिवाराकडून समाजातील सर्व नागरिकांना किमान एक साडी देऊन या उपक्रमात सहभागी होण्याचे आवाहन करण्यात आले आहे.

अधिक माहितीसाठी संपर्क: प्रवीण मुत्याल, संचालक, स्नेहालय – 9011026485.