📰 लातूर शहर पूर्व भागात अंधाराचे साम्राज्य; विद्युत पोल वरील बंद पथदिवे तात्काळ चालू करा..डॉ.बाबासाहेब आंबेडकर मंडल अध्यक्षा निर्मला कांबळे यांच्या नेतृत्वाखाली मनपाला निवेदन

📰 लातूर शहर पूर्व भागात अंधाराचे साम्राज्य; विद्युत पोल वरील बंद पथदिवे तात्काळ चालू करा..डॉ.बाबासाहेब आंबेडकर मंडल अध्यक्षा निर्मला कांबळे यांच्या नेतृत्वाखाली मनपाला निवेदन

लातूर प्रतिनिधी (मंगळवार,14 ऑक्टोबर 2025):- लातूर शहरातील पूर्व भागात गेल्या महिन्यात झालेल्या अतिवृष्टीमुळे रस्त्यांवरील विद्युत पोलवरील पथदिवे बंद पडले असून,संपूर्ण परिसरात अंधाराचे साम्राज्य पसरले आहे.रात्रीच्या वेळी नागरिकांना ये-जा करताना मोठ्या अडचणींचा सामना करावा लागत असल्याने अखेर भारतीय जनता पार्टीच्या डॉ.बाबासाहेब आंबेडकर मंडल अध्यक्षा सौ. निर्मला कांबळे यांच्या नेतृत्वाखाली नागरिकांनी आज लातूर महानगरपालिका उपायुक्त पंजाबराव खानसोळे यांना निवेदन देऊन हा प्रश्न तातडीने सोडवावा,अशी मागणी केली.

प्रभाग क्रमांक 02, 03 आणि 04 मधील नागरिक गेल्या अनेक दिवसांपासून पथदिवे बंद असल्याने त्रस्त आहेत.अंधाराचा फायदा घेत चोरी,अपघात यांसारख्या घटना वाढल्या आहेत. नागरिकांच्या सुरक्षिततेचा प्रश्न निर्माण झाला असून, विशेष मोहीम राबवून सर्व बंद पथदिवे तात्काळ सुरू करावेत,अशी मागणी निवेदनाद्वारे करण्यात आली.या प्रसंगी मंडल अध्यक्षा सौ.निर्मला कांबळे,मंडल चिटणीस आकाश खैरमोडे, सरचिटणीस राजन सोनवणे, कार्यकर्ते बाबासाहेब बनसोडे, विश्वनाथ बारस्कर,सिद्धेश्वर घटमल, तायप्पा कांबळे तसेच प्रभागातील अनेक नागरिक उपस्थित होते.निवेदन स्वीकृत करताना उपायुक्त पंजाबराव खानसोळे यांनी संबंधित विभागास तातडीने आवश्यक त्या सूचना देण्याचे आश्वासन दिले.

💡 “नागरिकांना प्रकाश मिळावा, सुरक्षित वातावरण निर्माण व्हावे यासाठी भाजप सदैव तत्पर आहे,”सौ.निर्मला कांबळे.