🚧 अहिल्यानगर बायपास आणि नगर–मनमाड महामार्गाला नवा वेग..!खासदार नीलेश लंके यांच्या पाठपुराव्याला यश..४.६८ कोटींचा निधी मंजूर, विकासकामांना गती मिळणार 🚀

अहिल्यानगर बायपास आणि नगर–मनमाड महामार्गाला नवा वेग..!खासदार नीलेश लंके यांच्या पाठपुराव्याला यश..४.६८ कोटींचा निधी मंजूर, विकासकामांना गती मिळणार 

अहिल्यानगर (प्रतिनिधी):-अहिल्यानगर लोकसभा मतदारसंघातील राष्ट्रीय महामार्ग विकासाला मोठा वेग मिळणार आहे.खासदार नीलेश लंके यांच्या सातत्यपूर्ण पाठपुराव्यानंतर भारतीय राष्ट्रीय महामार्ग प्राधिकरणाने (NHAI) ४.६८ कोटी रुपयांच्या निधीला प्रशासकीय मंजुरी दिली आहे.या मंजुरीमुळे बायपासवरील पूरप्रवण भागातील सुधारणा, पूरनियंत्रण आणि सुविधा विकासाला चालना मिळणार आहे.खासदार लंके म्हणाले, “ही मंजुरी केवळ कागदी नसून, अनेक महिन्यांच्या सातत्यपूर्ण प्रयत्नांचा हा परिणाम आहे. दिल्लीतील मंत्रालयीन चर्चेनंतर अखेर ही कामे मंजूर झाली असून,काही दिवसांत प्रत्यक्ष अंमलबजावणी सुरू होणार आहे.”भारतीय राष्ट्रीय महामार्ग प्राधिकरणाच्या मुंबई क्षेत्रीय कार्यालयाने ७ नोव्हेंबर रोजी जारी केलेल्या आदेशानुसार खालील कामांना मंजुरी देण्यात आली आहे.

सारोळाबद्दी परिसरात सर्व्हिस रोड व आरसीसी गटार बांधकाम नारायणडोह,नेप्ती (कल्याण जंक्शन) व पुणे जंक्शन परिसरात आरसीसी गटार कामे आरणगाव येथे आधुनिक पथदिव्यांची उभारणी मांडळी–नागमठाण व देहेरे परिसरातील बोगद्यांचे बांधकाम व दुरुस्ती ही सर्व कामे पुढील १५ ते ३० दिवसांत सुरू होणार असून, संबंधित कंत्राटदार व प्रकल्प संचालक कार्यालयाला आवश्यक निर्देश देण्यात आले आहेत.या निर्णयामुळे अहिल्यानगर–मनमाड महामार्गाचा विकास वेगाने होणार असून,नागरिकांच्या सोयीसाठी आणि वाहतुकीच्या सुरळीततेसाठी हे काम मैलाचा दगड ठरणार आहे.