🚓 ‘लूट’  ‘नियोजित कट उघडकीस’..व्यापाऱ्याची ३.५० लाखांची रोकड थरारक तपासात उघड..! ड्रायव्हरच निघाला सूत्रधार.. तोफखाना पोलिसांनी दोघांना घेतले ताब्यात

🚓 ‘लूट’  ‘नियोजित कट उघडकीस’..व्यापाऱ्याची ३.५० लाखांची रोकड थरारक तपासात उघड..! ड्रायव्हरच निघाला सूत्रधार.. तोफखाना पोलिसांनी दोघांना घेतले ताब्यात

अहिल्यानगर (प्रतिनिधी):-तोफखाना पोलिसांनी व्यापारी इसमाला लुटणाऱ्या दोघा आरोपींना अवघ्या 24 तासांत जेरबंद करत 3 लाख 70,000 रुपयांचा मुद्देमाल हस्तगत केला.वेगवान तपास,तांत्रिक माहितीचा अचूक वापर आणि पोलिसांच्या सततच्या पाठपुराव्यामुळे हा गुन्हा गुन्हेगारांसाठी शेवटचा ठरला आहे.दि. 27 नोव्हेंबर रोजी प्रदीप बिशनदास पंजाबी यांचा पुतण्या शिवम हा एमआयडीसी मधील ‘राहुल वाईन्स’ दुकानातून 3 लाख रुपये रोख घेऊन क्रेटा कार (क्र. MH-16 DM-0575) मधून ड्रायव्हर भरत मालसमींदर यांच्या सोबत परत येत होता. आष्टविनायक अपार्टमेंट, समतानगर येथे ड्रायव्हर भाजी घेण्यासाठी भावाच्या घरी गेल्याने शिवम कारमध्ये एकटाच होता. याचवेळी अज्ञात चोरट्याने कारचा दरवाजा उघडून शिवमवर चाकूचा धाक दाखवत 3 लाखांची रोकड हिसकावून पळ काढला.घटनेनंतर तोफखाना पोलीस स्टेशनमध्ये गुन्हा रजि. नं. 1120/2025, कलम 309(4) अंतर्गत गुन्हा दाखल करण्यात आला.घटनेचे गांभीर्य लक्षात घेऊन पोलीस निरीक्षक जगदीश भांबळ यांनी पीएसआय योगेश चाहेर यांच्या नेतृत्वाखाली गुन्हे शोध पथकाची नियुक्ती केली.घटनास्थळाची पाहणी,तांत्रिक माहितीचा अभ्यास आणि सखोल चौकशी दरम्यान संशय थेट कारचालक भरत मालसमींदर याच्यावर गेला.

तपास अधिक खोलात नेता पोलिसांना समजले की हा लुटीचा बनाव भरतनेच आपल्या साथीदार नवनाथ जाधव याच्यासोबत रचला होता.दोन्ही आरोपींना तात्काळ ताब्यात घेऊन चौकशी केली असता त्यांनी गुन्ह्याची कबुली दिली.त्यांच्याकडून मुद्देमाल जप्त करण्यात आला.पुढील तपास पोलीस उपनिरीक्षक योगेश चाहेर करीत आहेत.ही कारवाई पोलीस अधीक्षक सोमनाथ घार्गे,अपर पोलीस अधीक्षक वैभव कलुबर्मे आणि उपविभागीय पोलीस अधिकारी दिलीप टिपरसे यांच्या मार्गदर्शनाखाली करण्यात आली. या कारवाईत तोफखाना पीआय जगदीश भांबळ यांच्या नेतृत्वाखालील पीएसआय योगेश चाहेर,पोहेंकॉ. सुनील चव्हाण,नितीन उगलमुगले,भानुदास खेडकर, योगेश चव्हाण,अब्दुलकादर इनामदार,सूरज वाबळे,सुधीर खाडे,पोकॉ.सुमित गवळी, अविनाश बर्डे,सतीश त्रिभुवन, सुजय हिवाळे,बाळासाहेब भापसे, दादासाहेब रोहकले तसेच सायबर सेलचे कॉन्स्टेबल राहुल गुंडू यांनी केली.ही धडाकेबाज आणि अल्पावधीत केलेली कारवाई तोफखाना पोलिसांच्या दक्षतेचे व गुन्हेगारांवर नियंत्रण ठेवण्याच्या क्षमतेचे प्रत्यंतर देणारी ठरली आहे.