तार एकमेकांना घासल्याने शेतकऱ्याचा गहू जळून खाक;शेतकऱ्याची तहसीलदारांकडे पंचनामा करून नुकसान भरपाईची मागणी

वर्धा प्रतिनिधी (सागर झोरे):-सालोड येथे तार एकमेकांना घासल्यामुळे स्पार्किंग्ने शामपूर येथील शेतकऱ्याचे खूप मोठ्या प्रमाणात नुकसान झाले आहे. ही घटना दिनांक १५ फेब्रुवारी रोजी घडली आहे. येथील किशोर झोड हा शेतकरी आपल्या शेतात दिवस रात्र कष्ट करून आपला उदरनिर्वाह चालवतो यावर्षी जास्त पाऊस पडल्यामुळे पीक काही हाती आले नाही व उत्पन्न काही मिळाले नाही. त्याने असे झाल्यानंतर खचून न जाता कर्ज काढून आपल्या शेतात गहू पेरला गहू काढायला आला असता तर स्पार्किंग होऊन जाळाच्या ठिणग्या गव्हात पडून संपूर्ण गहू जळून खाक झाला.तोंडचा घासच गेल्याने शेतकरी चिंताग्रस्त झाला आहे. गव्हाची भरपाई मिळण्यासाठी किशोर झोड हा शेतकरी तहसीलदारांकडे पंचनामा करून नुकसान भरपाई मागणार असल्याचे यावेळी त्यांनी सांगितले.