🔥विचारांचा दीप पुन्हा प्रज्वलित..! थोर विचारवंत माजी मंत्री दादासाहेब रुपवते यांची १०१ वी जयंती उत्साहात साजरी 

🔥विचारांचा दीप पुन्हा प्रज्वलित..! थोर विचारवंत माजी मंत्री दादासाहेब रुपवते यांची १०१ वी जयंती उत्साहात साजरी 

अहमदनगर (प्रतिनिधी):-प्रगल्भ विचारांचे अध्वर्यू, डॉ. बाबासाहेब आंबेडकर यांचे निष्ठावान अनुयायी आणि सामाजिक चळवळीचे खंबीर नेतृत्व स्व. दादासाहेब रुपवते यांची १०१ वी जयंती उत्साह, अभिमान आणि कृतज्ञतेच्या भावनेत साजरी करण्यात आली. सिंधू एज्युकेशन अँड वेलफेअर अकॅडमी संचलित साळवे क्लासेस येथे आयोजित कार्यक्रमात त्यांच्या विचारांचा वारसा जोपासण्याचा निर्धार व्यक्त करण्यात आला.कार्यक्रमाची सुरुवात दादासाहेब रुपवते यांच्या प्रतिमेला पुष्पहार अर्पण करून करण्यात आली. उपस्थित मान्यवरांनी त्यांच्या स्मृतींना उजाळा देत सामाजिक परिवर्तनातील त्यांच्या योगदानाची आठवण जागवली.

संस्थेच्या संचालिका सौ. भारती साळवे यांनी आपल्या मनोगतात दादासाहेबांच्या कार्याचा गौरव करताना सांगितले,“दादासाहेब रुपवते यांनी आयुष्यभर समता, न्याय आणि मानवतेसाठी लढा दिला. त्यांचे विचार आजच्या तरुण पिढीसाठी दीपस्तंभासारखे आहेत. शिक्षण आणि समाजकारण या दोन्ही क्षेत्रांत त्यांनी घातलेला पाया आजही भक्कम आणि प्रेरणादायी आहे.”दादासाहेब रुपवते यांनी केवळ राजकारणातच नव्हे, तर साहित्य आणि सामाजिक चळवळीतही भरीव योगदान दिले. त्यांच्या जन्मशताब्दी वर्षाची सांगता आणि १०१ व्या जयंतीचा प्रारंभ हा समाजघटकांसाठी प्रेरणादायी पर्व ठरल्याची भावना यावेळी व्यक्त करण्यात आली.

या कार्यक्रमास सौ. सविता सांगळे (जिल्हा न्यायालय), सौ. योगिता बाकले तसेच विविध क्षेत्रांतील मान्यवर आणि नागरिक मोठ्या संख्येने उपस्थित होते. कार्यक्रमाचे प्रभावी सूत्रसंचालन व आभार प्रदर्शन अर्पिता कांबळे (शहा) यांनी केले.

✨ दादासाहेब रुपवते यांच्या विचारांची ज्योत अशीच तेजोमय राहो, हीच उपस्थितांची सामूहिक भावना! ✨