अहमदनगर (दि.२३ एप्रिल):-श्रीगोंदा तालुक्यातील बेलवंडी परिसरातून गावठी कट्टा बाळगणारा आरोपीस स्थानिक गुन्हे शाखेच्या पथकाने पकडले आहे.आगामी लोकसभा निवडणुकच्या अनुषंगाने जिल्हा पोलिस अधीक्षक श्री.राकेश ओला यांनी स्थानिक गुन्हे शाखेचे पोनि/श्री.दिनेश आहेर यांना जिल्ह्यामध्ये अवैध अग्निशस्त्रे व हत्यारे बाळगणारे इसमांची माहिती काढुन कारवाई करणेबाबत आदेश दिलेले आहेत.
नमुद आदेशाप्रमाणे पोनि.श्री.आहेर यांनी स्थानिक गुन्हे शाखेचे एक पथक तयार करुन अवैध अग्निशस्त्रे व हत्यारे बाळगणारे इसमांची माहिती काढुन कारवाई करणेबाबत पथकास मार्गदर्शन करुन पथक रवाना केले होते.पोलीस पथक दि.22 एप्रिल रोजी अवैध शस्त्रांची माहिती काढत असताना पोनिश्री.आहेर यांना गुप्त बातमीदारामार्फत गुलाबी रंगाचा फुलबाहीचा शर्ट व निळे रंगाची जिन्स पँट घातलेला एक इसम हा त्याचे कब्जामध्ये विनापरवाना बेकायदेशीररित्या गावठी कट्टा (अग्निशस्त्र) त्याचे कब्जात विक्री करण्याचे उद्देशाने बाळगुन असुन तो बेलवंडी फाटा येथे थांबलेला असल्याची बातमी मिळाल्याने त्यांनी प्राप्त बातमीतील हकीगत तात्काळ पथकास कळवुन खात्री करुन कारवाई करणेबाबत सुचना दिल्या.
पथकाने तात्काळ दोन पंचासह अहमदनगर ते पुणे जाणारे रोडवरील बेलवंडी फाटा या ठिकाणी जावुन बातमीतील वर्णनाचे इसमाचा शोध घेत असतांना गुलाबी रंगाचा फुलबाहीचा शर्ट व निळे रंगाची जिन्स पँट घातलेला एक इसम बेलवंडी फाटा या ठिकाणी बेलवंडी गावाकडे जाणारे रोडचे कडेला थांबलेला दिसला.सदर इसमास ताब्यात घेवुन त्यास त्याचे नांव गांव विचारले असता त्याने त्याचे नांव विकास रमेश पठारे (रा. मावळेवाडी,ता.पारनेर, जि.अहमदनगर) असे असल्याचे सांगितले. ताब्यात घेण्यात आलेल्या इसमाची अंगझडती घेता त्याचे डावे कमरेस खोचलेले 30,000/- रुपये किमतीचे एक देशी बनावटीचे पिस्टल (अग्निशस्त्र) व पिस्टलचे मॅग्झिनमध्ये 1000/- रुपये किमतीचे 01 जिवंत काडतुसे असा एकुण 31,000/-रुपये किमतीचा मुद्देमाल मिळुन आला.त्याचे कडे मिळुन आलेल्या पिस्टलबाबत विचारपुस करता त्याने ते विक्री करण्याकरीता आणले असल्याचे सांगितले.
ताब्यात घेण्यात आलेल्या इसमाविरुध्द पोकॉ/2383 रविंद्र तुकाराम घुंगासे नेम-स्थानिक गुन्हे शाखा अहमदनगर यांचे फिर्यादीवरुन बेलवंडी पोलीस ठाणे गु.र.नं. 165/2024 आर्म ऍ़क्ट कायदा कलम 3/25, 7 प्रमाणे गुन्हा दाखल करण्यात आला असुन पुढील तपास बेलवंडी पोलीस ठाणे करीत आहे.सदरची कारवाई श्री.राकेश ओला पोलीस अधीक्षक,श्री.प्रशांत खैरे अपर पोलीस अधिक्षक व श्री.विवेकानंद वाखारे उपविभागीय पोलीस अधिकारी कर्जत विभाग कर्जत यांचे सुचना व मार्गदर्शनाखाली स्थानिक गुन्हे शाखेचे अंमलदार संतोष लोढे, रविंद्र कर्डीले,रविंद्र घुंगासे,सागर ससाणे, मच्छिंद्र बर्डे,अमोल कोतकर,संतोष खैरे यांनी केली आहे.