खासदार नीलेश लंके समर्थक राहुल झावरे यांच्यावर हल्ला;गाडीची मोठ्या प्रमाणावर तोडफोड
अहमदनगर (दि.६ जुन):-अहमदनगर दक्षिण लोकसभा निवडणुकीचा निकाल नुकताच ४ जुन रोजी लागला असून यात राष्ट्रवादी काँग्रेस शरदचंद्र पवार पक्षाचे उमेदवार निलेश लंके यांनी विजय मिळवला.व भाजपाचे विद्यमान खासदार सुजय विखे पाटील हे पराभूत झाले.
विजयानंतर अहमदनगर जिल्ह्यातील पारनेर तालुक्यात राजकारण पेटले असून एकमेकांचे समर्थक आमने सामने आले आहेत.त्यातच लंके यांचे समर्थक राहुल झावरे यांच्यावर आज जीवघेणा हल्ला झाला आहे.यामुळे जिल्ह्यात एकच खळबळ उडाली.खासदार निलेश लंके यांचे समर्थक राहुल झावरे हे त्यांच्या गाडीवर पारनेर बस स्थानकाजवळ असताना हा हल्ला झाला.
मात्र या हल्ल्यात गाडीचे मोठे नुकसान झाले असून सुदैवाने त्यांना जास्त इजा झलेली नाही.या घटनेची माहिती मिळाल्यानंतर लंके समर्थक घटनास्थळी मोठ्या प्रमाणात जमा झाले असून कोणताही अनुचित प्रकार घड् नये यासाठी पोलिसांनी मोठा फौजफाटा तैनात केला आहे.
