अहमदनगर (दि.९ जुन प्रतिनिधी):-अहमदनगर जिल्ह्यातील पारनेर तालुक्यात शेतवस्तीवर चोरी करणाऱ्या ४ सराईत आरोपींना ३ लाख ५७ हजार ५००/-रुपये किमतीच्या ५० ग्रॅम सोन्याचे दागिन्यासह जेरबंद करण्यात स्थानिक गुन्हे शाखेच्या पथकाला यश मिळाले आहे.
बातमीची हकिगत अशी की,दि.६ जुन २०२४ रोजी घटनेतील फिर्यादी श्री.अंकुश भाऊ भोसले (रा.खामकर झाप, वडगांव सायताळ,ता.पारनेर) हे कुटूंबियासह घरात झोपलेले असतांना अनोळखी ४ इसमांनी घरात प्रवेश करुन अज्ञात हत्याराने मारहाण व जखमी करुन घरातील ६९०००/-रुपये किंमतीचे सोन्या चांदीचे दागिने व रोख रक्कम बळजबरीने चोरुन नेले बाबत पारनेर पो.स्टे. येथे गु.र.नं. 413/2024 भादविक 394, 34 प्रमाणे जबरी चोरीचा गुन्हा दाखल करण्यात आला होता.घटनेचे गांभिर्य लक्षात घेवुन जिल्हा पोलिस अधीक्षक श्री.राकेश ओला अहमदनगर यांनी स्थानिक गुन्हे शाखेचे पोनि/श्री.दिनेश आहेर, अहमदनगर यांना वर नमुद गुन्हा उघडकीस आणणे बाबत आदेशित केले होते.
नमुद आदेशान्वये पोनि/श्री. दिनेश आहेर यांनी स्थानिक गुन्हे शाखेतील अंमलदार यांचे पथक नेमुन गुन्हे उघडकीस आणणे बाबत सुचना देवुन पथकास रवाना केले होते.सदर सुचना प्रमाणे पथक पारनेर परिसरात फिरुन गुन्ह्यातील आरोपींची माहिती काढत असताना पथकास गुप्तबातमीदारा मार्फत इसम नामे मिथुन उंब-या काळे (रा.सुरेगांव,ता.श्रीगोंदा) याने त्याचे इतर साथीदारासह केला असुन ते आता त्याचे घरी असल्याचे खात्रीशीर माहिती मिळाल्याने पथकाने लागलीच बातमीतील नमुद ठिकाणी जावुन खात्री करता संशयीत आरोपी नामे मिथुन उंब-या काळे याचे घराचे मागील बाजुस असलेल्या लिंबाच्या झाडा खाली 5 ते 6 इसम बसलेले दिसले.पथकाची खात्री होताच लिंबाचे झाडा खाली बसलेल्या इसमांना चोहो बाजूंनी घेरुन ताब्यात घेण्याचे तयारीत असतांना त्यांना पोलीस पथकाची चाहूल लागुन बसलेल्या इसमांपैकी 2 इसम पळुन गेले त्यांचा पाठलाग केला परंतु ते मिळुन आले नाहीत.
उर्वरीत 4 संशयीतांना ताब्यात घेवुन पोलीस पथकाची ओळख सांगुन त्यांना त्यांचे नाव गांव विचारले असता त्यांनी त्यांची नावे 1)मिथुन उंब-या काळे 2)अक्षय उंब-या काळे 3)संजय ऊर्फ संज्या हातण्या भोसले सर्व रा.सुरेगांव, ता. श्रीगोंदा व 4) गंगाधर संदल चव्हाण रा.दिवटे वस्ती, वाघुंडे, ता.पारनेर असे असल्याचे सांगितले. त्यांची पंचा समक्ष अंगझडती घेता त्यांचे अंगझडतीत विविध प्रकारचे दागिने मिळुन आले.सदर दागिन्याबाबत अधिक विचारपुस करता त्यांनी काही दिवसापुर्वी वडझिरे शिवार, भनगडवाडी व वडगांव सावताळ ता.पारनेर परिसरात चोरी करुन आणले असल्याचे सांगितले.ताब्यात घेतलेल्या चारही आरोपींना 3,57,500/- रुपये किंमतीचे 50.5 ग्रॅम वजनाचे विविध प्रकारचे सोन्या चांदीच्या दागिन्यासह ताब्यात घेवुन पारनेर पो.स्टे.येथे हजर केले आहे.पुढील तपास पारनेर पो.स्टे. करीत आहे.
सदरची कारवाई श्री.राकेश ओला पोलीस अधीक्षक,श्री.प्रशांत खैरे अपर पोलीस अधीक्षक, श्री.सपंत भोसले उपविभागीय पोलीस अधिकारी,नगर ग्रामिण विभाग यांचे सुचना व मार्गदर्शनाखाली स्थानिक गुन्हे शाखेचे सपोनि/हेमंत थोरात, अंमलदार दत्तात्रय हिंगडे, बापुसाहेब फोलाणे, संदीप पवार,देवेंद्र शेलार, विजय ठोंबरे,संतोष खैरे, भाऊसाहेब काळे, अमोल कोतकर, बाळासाहेब खेडकर, आकाश काळे, बाळासाहेब गुंजाळ, सागर ससाणे,अमृत आढाव,मेघराज कोल्हे, संभाजी कोतकर पोलीस अधिकारी व अंमलदार यांनी केलेली आहे.