अहमदनगर (दि.११ जुन प्रतिनिधी):-अहमदनगर जिल्ह्यातील शेवगांव येथील दरोड्यातील आरोपींच्या टोळीस ४८ तासातच पकडुन स्थानिक गुन्हे शाखेच्या पथकाने त्यांच्या कडून १ लाख ८५ हजार २०० रुपये किंमतीचा मुद्देमाल हस्तगत केला आहे.बातमीची हकिगत अशी की दि.८ जुन रोजी यातील फिर्यादी श्री. दिपक बाबासाहेब जरांगे (रा.मारवाडी गल्ली,ता. शेवगांव) हे कुटूंबियासह घरात झोपलेले असतांना अनोळखी ६ इसमांनी फिर्यादीचे घरात प्रवेश करुन चाकुचा धाक दाखवुन व लाथाबुक्यांनी मारहाण करुन घरातील १०८,०००/-रुपये किंमतीचे सोन्या चांदीचे दागिने व रोख रक्कम बळजबरीने चोरुन नेले बाबत तसेच सातपुते गल्ली,ता.शेवगांव येथील श्री.निवृत्ती कारभारी वाणी (रा.सातपुते गल्ली, ता.शेवगांव) यांचे घरात देखील चोरी करुन १ लाख ४०,०००/-रुपये किंमतीचे सोन्याचे दागिने व रोख रक्कम चोरी नेले बाबत.शेवगांव पो.स्टे.येथे गु.र.नं. 509/2024 भादविक 397,342 प्रमाणे गुन्हा दाखल करण्यात आला होता.
सदर घटना घडल्यानंतर जिल्हा पोलीस अधीक्षक श्री. राकेश ओला पोलीस यांनी स्थानिक गुन्हे शाखेचे पोनि/श्री.दिनेश आहेर यांना वर नमुद गुन्हा उघडकीस आणणे बाबत आदेशित केले होते.नमुद आदेशान्वये पोनि/श्री. दिनेश आहेर यांनी स्थानिक गुन्हे शाखेतील पथक नेमुन गुन्हे उघडकीस आणणे बाबत सुचना देवुन पथकास रवाना केले होते.स्थागुशा पथकाने गुन्हा घडले ठिकाणी जावुन पाहणी केली असता घटना ठिकाणी कोठेही सीसीटीव्ही कॅमेरे नसल्याने आरोपींची काहीएक माहिती मिळुन येत नव्हती. तयामुळे पथक शेवगांव परिसरात फिरुन रेकॉर्डवरील गुन्हेगारांची माहिती काढत असताना पथकास गुप्तबातमीदारा मार्फत इसम नामे अनिल ऊर्फ यासीनखॉ शिवाजी भोसले (रा.गोंडेगांव,ता. नेवासा) याने त्याचे इतर साथीदारांसह गुन्हा केला असुन तो सध्या त्याचे राहते घरी आहे आता गेल्यास मिळुन येईल अशी खात्रीशीर माहिती मिळाल्याने पथकाने लागलीच बातमीतील नमुद ठिकाणी जावुन पहाणी केली असता बातमीतील वर्णना प्रमाणे २ संशयीत इसम उभे असलेले पथकास दिसले.
त्यांना शिताफीने ताब्यात घेवुन पोलीस पथकाची ओळख सांगुन त्यांचे नाव गांव विचारले असता त्यांनी त्यांची नावे अनिल ऊर्फ यासीनखॉ शिवाजी भोसले व रोहन अनिल ऊर्फ यासीनखॉ भोसले दोन्ही रा. गोंडेगांव,ता.शेवगांव असे असल्याचे सांगितले. त्यांचे कडे वर नमुद गुन्ह्याचे अनुषंगाने विचारपुस करता ताब्यातील संशयीतांनी त्यांचे इतर साथीदार नामे अमर दत्तु पवार,कृष्णा ऊर्फ सागर नारायण भोसले,दिपक इंदर भोसले सर्व रा.नेवासा फाटा,ता.नेवासा व सुनिल बाबाखॉ भोसले रा.गोंडेगांव,ता.नेवासा यांचे सोबत मिळुन 2-3 दिवसांपुर्वी शेवगांव परिसरात व 1 महिन्यापुर्वी चांदगांव उस्थळदुमाला,ता. नेवासा परिसरातील मेडीकल दुकान फोडुन रोख रक्कम व पल्सर मोटार सायकल चोरी केल्याचे सांगितल्याने आरोपींचे इतर साथीदारांचा शोध घेता आरोपी नामे अमर दत्तु पवार,कृष्णा ऊर्फ सागर नारायण भोसले दोन्ही रा.नेवासा फाटा,ता. नेवासा,सुनिल बाबाखॉ भोसले रा.गोंडेगांव,ता. नेवासा हे मिळुन आल्याने त्यांना ताब्यात घेतले.आरोपी नामे दिपक इंदर भोसले रा. नेवासा फाटा,ता.नेवासा (फरार) हा मिळुन आला नाही.
ताब्यात घेतलेल्या आरोपींची अंगझडती घेता त्यांचे अंगझडतीत 1,85,200/- रुपये किंमतीचे 13 ग्रॅम वजनाचे विविध प्रकारचे दागिने,रोख रक्कम व 1 चाकु असा मुद्देमाल मिळुन आला आल्याने आरोपींना मुद्देमालासह ताब्यात घेवुन शेवगांव पोलीस स्टेशन गु.र.नं. 509/24 भादविक 397,342 प्रमाणे दाखल गुन्ह्याचे तपासकामी शेवगांव पोलीस स्टेशन येथे हजर केले आहे.पुढील तपास शेवगांव पोलीस स्टेशन करीत आहे.सदरची कारवाई श्री.राकेश ओला पोलीस अधीक्षक,श्री.प्रशांत खैरे अपर पोलीस अधीक्षक,श्री.वैभव कलुभर्मे साहेब अपर पोलीस अधीक्षक, श्रीरामपूर,श्री.सुनिल पाटील उपविभागीय पोलीस अधिकारी, शेवगांव विभाग यांचे सुचना व मार्गदर्शनाखाली स्थानिक गुन्हे शाखेचे पोउपनि/समाधान भाटेवाल,अंमलदार दत्तात्रय गव्हाणे, बापुसाहेब फोलाणे, संतोष लोढे,अतुल लोटके,देवेंद्र शेलार, विजय ठोंबरे,संदीप दरंदले,फुरकान शेख, किशोर शिरसाठ, मेघराज कोल्हे पोलीस अधिकारी व अंमलदार यांनी केलेली आहे.