अहमदनगर (दि.१२ जुलै):-जिल्ह्यातील श्रीगोंदा पोलीस स्टेशन हद्दीतील नगर सोलापूर रोडवरील हॉटेल सुप्रीम येथे वेश्याव्यवसाय चालू असलेबाबत अहमदनगर पोलिस दलातील ए.एच.टी.यू विभागाला गोपनीय माहिती मिळाली असता सदर माहितीचे अनुषंगाने ए.एच.टी.यू विभागाच्या पथकाने दोन पंचांसह बातमीतील नमूद ठिकाणी हॉटेल सुप्रीम येथे जावून पहाटे अचानक छापा टाकून आरोपी किरण रावसाहेब जरे (रा.नालेगाव) हा स्वतःचे फायद्याकरिता वेश्या व्यवसायासाठी महिला उपलब्ध करून देवून कुंटनखाना चालवताना मिळून आला.त्याला जागीच पकडले.
तसेच त्याचे कडून एकूण ४७०० /- रू.किं.चा मुद्देमालही जप्त करण्यात आलेला आहे.या छाप्यामध्ये तीन पिडीत महिलांची सुटका करण्यात आलेली आहे.
सदरची कारवाई श्री. राकेश ओला,पोलीस अधिक्षक,श्री.प्रशांत खैरे अपर पोलीस अधिक्षक,श्री.विवेकानंद वाखारे उपविभागिय पोलीस अधिकारी कर्जत,पोनि/नंदकुमार दुधाळ ए.एच.टी.यू. अहमदनगर यांचे सूचना व मार्गदर्शनाखाली पोनि.श्री/ज्ञानेश्वर भोसले श्रीगोंदा पो.स्टे.,पोसई बाळासाहेब शिंदे, पोहेकॉ /२०२४ समीर सय्यद,मपोहेकॉ १२४६ / अर्चना काळे,मपोकाँ/१३६५ छाया रांधवन, चालक पो.कॉ.२६७३ / काळे सर्व नेम अनैतिक मानवी वाहतुक प्रतिबंध कक्ष (AHTU) अहमदनगर यांनी केली आहे.