विनापरवाना कला केंद्रावर पोलिसांचा छापा

जामखेड प्रतिनिधी (दि.१४ जानेवारी):-अहमदनगर जिल्ह्यात जामखेड येथील बीड रोडवरील मोहा हद्दीत विनापरवाना लक्ष्मी नावाच्या कलाकेंद्रावर नृत्याचे कार्यक्रम चालू असताना जामखेड पोलीसांनी कारवाई केली आहे.यात कलाकेंद्राचा व्यवस्थापक सुरज बबन मुसळे (वय-३२ वर्षे रा.कान्होपात्रानगर,जामखेड)याच्या विरुध्द पोहेकॉ/संजय लाटे यांनी दिलेल्या फिर्यादीवरून मपोअनिकलम ३३/१३१ (क) (१) प्रमाणे जामखेड पोलीस ठाण्यात गुन्हा दाखल करण्यात आला आहे.पुढील घटनेचा तपास पोलीस निरीक्षक संभाजी गायकवाड यांच्या मार्गदर्शनाखाली पोना/अजय साठे करीत आहे.