श्रीरामपूर प्रतिनिधी (दि.२३ जानेवारी):- दि. २२ जानेवारी रोजी रात्री ११ वाजे सुमारास पोलीस निरीक्षक हर्षवर्धन गवळी यांना गोपनीय बातमीदारामार्फत माहिती मिळाली की,खंडाळा एमआयडीसी मध्ये काळे डेअरीचे जवळ एक इसम हातात गावठी कट्टा घेवुन दहशत करत आहे.अशी माहिती मिळताच पोनि/ हर्षवर्धन गवळी यांनी सपोनि/ बोरसे यांचे नेतृत्वाखाली श्रीरामपुर शहर पोस्टेच्या तपास पथकास रवाना केले. बातमीप्रमाणे तपास पथक गेले असता,एक इसम पळुन जावु लागला,त्याचा पाठलाग करुन त्याचेजवळ प्राणघातक हत्यार असल्याची जाणीव असतानाही त्यास तपास पथकाने धाडसाने त्याला पकडले.त्याची झडती घेतली असता,त्याचे जवळ एक ४०,०००/- रुपये किंमतीचा गावठी कट्टा व १,०००/- रू किंमतीचे दोन जिवंत काडतुस मिळुन आली आहेत.सदर आरोपीस त्याची ओळख विचारता त्याचे नाव पत्ता विचारता,त्याने त्याचे नाव रईस शेरखान पठाण (वय ३० वर्षे,रा.रांझणखोल,ता. राहाता,जि.अहमदनगर) असे सांगितले.सदर आरोपी विरुद्ध गुन्हा रजि.नं. ८०/२०२३ आर्म ॲक्ट कलम ३/२५ प्रमाणे गुन्हा दाखल करण्यात आला आहे.आरोपीस मा.न्यायालयासमोर हजर केले असता मा.न्यायालयाने आरोपीस ३ दिवस पोलिस कोठडी दिली आहे.सदरची कारवाई पोलीस अधीक्षक, राकेश ओला,अपर पोलीस अधीक्षक श्रीरामपुर स्वाती भोर,उपविभागीय पोलीस अधिकारी,श्रीरामपुर उपविभाग,संदिप मिटके यांचे मार्गदर्शनाखाली पोलीस निरीक्षक,श्रीरामपुर शहर पोलीस स्टेशन हर्षवर्धन गवळी यांचे कडील तपास पथकातील सपोनि/जिवन बोरसे,पोउनि/सुरेखा देवरे, पोना/साईनाथ राशिनकर, पोना/रघुनाथ कारखेले, पोना/मच्छिंद्र शेलार,पोकॉ/गौतम लगड,पोकॉ/राहुल नरवडे,पोकॉ/रमिझराजा अत्तार,पोकॉ/गणेश गावडे, पोकॉ/मच्छिंद्र कातखडे,पो. कॉ/गौरव दुर्गुळे,पोकॉ/तुषार गायकवाड,पोकॉ/बाळासाहेब गुंजाळ,पोकॉ/ज्ञानेश्वर गुंजाळ,पोकॉ/आंबादास आंधळे अपर पोलीस अधीक्षक कार्यालयाकडील पोना/फुरकान शेख व पोकॉ/ प्रमोद जाधव यांनी केली. दाखल गुन्ह्याचा अधिक तपास हा पोलीस निरीक्षक/ हर्षवर्धन गवळी यांचे मार्गदर्शनाखाली पोउनि/सुरेखा देवरे या करीत आहेत.