नगर तालुका पोलिसांची दमदार कारवाई..बनावट चलनी नोटा तयार करणारे रॅकेट उघड आरोपी जेरबंद..तब्बल 60 लाखांच्या नकली नोटा जप्त
अहिल्यानगर (प्रतिनिधी):- नगर तालुका पोलीस स्टेशनचे सहाय्यक पोलीस निरीक्षक प्रल्हाद गीते हे दि.२७ जुलै २०२५ रोजी नगर तालुका स्टेशनचे हद्दीत पेट्रोलींग करत असताना त्यांना माहिती मिळाली की,दोन इसम एक काळ्या रंगाचे महिंद्रा थार गाडीमध्ये फिरत असुन त्यांच्याकडे पाचशे रुपये दराच्या बनावट चलनी नोटा आहेत आणि ते आंबीलवाडी शिवारात प्रत्येक पान टपरीवर देवुन सिगारेट खरेदी करत आहेत.
त्यावर सपोनि.गिते यांनी त्यांचे तपास पथकातील अंमलदार यांना बोलावुन घेवुन त्यांचे सोबत आंबीलवाडी शिवारात जावुन खात्री केल्यावर तेथे दोन संशयीत इसम एक महिंद्रा थार गाडीमध्ये फिरताना दिसले.सपोनि.गिते आणि पथकातील अंमलदारांनी सदरचे इसमांना ताब्यात घेवुन त्यांना त्यांचे नाव व गाव विचारले असता त्यांनी त्यांचे नाव १) निखील शिवाजी गांगर्डे वय २७ रा.कुंभळी ता कर्जत जि. अहिल्यानगर २)सोमनाथ माणिक शिंदे वय २५ रा.तपोवन रोड जि.अहिलयानगर असे सांगितले त्यावर त्यांचेकडे सखोल चौकशी करुन गाडीची झडती घेतील असता त्यांचे कब्जात ८०,०००/- रुयांच्या पाचशे रुपये दराच्या बनावट चलनी नोटा मिळुन आल्याने त्यांना ताब्यात घेवुन त्यांच्यावर नगर तालुका पोलीस स्टेशन गुरन. ६२८/२०२५ भारतीय न्यास संहिता २०२३ चे कलम १७९, १८०, ३(५) अन्वये गुन्हा दाखल करुन गुन्ह्याचे अधिक तपास करता बीड जिल्ह्यातुन आरोपी नामे ३)प्रदिप संजय कापरे वय २८ रा.तिंतरवणी ता. शिरुर कासार जि.बीड तसेच संभाजीनगर मधुन आरोपी नामे ४) मंगेश पंढरी शिरसाठ वय ४० रा शिवाजी नगर ता.जि. छत्रपती संभाजी नगर ५) विनोद दामोधर अरबट वय ५३ रा. सातारा परिसर ता.जि. छत्रपती संभाजी नगर ६) आकाश प्रकाश बनसोडे वय २७ रा. निसर्ग कॉलनी पेठेनगर ता.जि. छत्रपती संभाजी नगर ७) अनिल सुधाकर पवार वय ३४ रा. ५६ नंबर गेट मुकुंदनगर ता.जि. छत्रपती संभाजी नगर ८) अंबादास रामभाऊ ससाणे रा. शहर टाकळी ता. शेवगाव जि. अहिल्यानगर (फरार) असे आरोपी निष्पन्न करुन त्यांचे कडुन ५९,५०,०००/- रुयांच्या पाचशे रुपये दराच्या तयार बनावट चलनी नोटा, २,१६,००,०००/- रुपये चे बनावट नोटा तयार करण्याचे कागद व शाई इत्यादी प्रकारचे साहित्य, २७,९०,६००/- रुपये बनावट नोटा तयार करण्याचे मशिन, संगणक वै. इ. साहित्य जप्त करण्यात आले.असे एकुण ८८,२०,६००/- रुपये किंमतीचा मुद्देमाल जप्त केला आहे.
सदरची कामगिरी श्री.सोमनाथ घार्गे पोलीस अधीक्षक अहिल्यानगर,श्री.वैभव कलुबर्मे अपर पोलीस अधीक्षक,श्री. अमोल भारती उपविभागीय पोलीस अधिकारी नगर ग्रामीण विभाग यांचे सुचनानुसार श्री. प्रल्हाद गिते सहाय्यक पोलीस निरीक्षक नगर तालुका पोलीस स्टेशन,पोसई.भरत धुमाळ, पोहेकॉ.सुभाष थोरात,पोहेकॉ. रविकिरण सोनटक्के,पोहेकॉ. बाबासाहेब खेडकर,पोहेकॉ.मंगेश खरमाळे, पोहेकॉ.शरद वांढेकर,पोहेकॉ. खंडु शिंदे,पोकॉ.सागर मिसाळ, पोकॉ.राजु खेडकर,पोकॉ.विक्रांत भालसिंग,पोकॉ.अदिनाथ शिरसाठ,पोकॉ.अन्सार शेख, तसेच मपोहेकॉ.मोहिनी कर्डक, दक्षिण विभाग मोबईल सेलचे पोकॉ.नितीन शिंदे यांनी केली आहे.