वृद्ध महिलेला बंदुकीचा धाक दाखवत जबरदस्त मारहाण करून चोरी करणारे दोघे आरोपी जेरबंद..2 लाख 5 हजारांचा मुद्देमाल हस्तगत..स्थानिक गुन्हे शाखेची कारवाई
अहिल्यानगर (प्रतिनिधी):-कापुरवाडी परिसरातील वृद्ध महिलेला तोंड दाबून व अग्निशस्त्राचा धाक दाखवून सोन्याचे दागिने लुटणाऱ्या दोन आरोपींना स्थानिक गुन्हे शाखेच्या पथकाने अटक केली असून तब्बल 2 लाख 5 हजार रुपये किमतीचा मुद्देमाल हस्तगत करण्यात आला आहे.
📌 घटनेचा तपशील
दि.8 सप्टेंबर रोजी सकाळी 11.30 वाजता सौ.सरस्वती शिवाजी दुसुंगे (रा दुसुंगे मळा, कापुरवाडी) या दर्शनासाठी मळगंगा देवी मंदिरात गेल्या असता,तीन अनोळखी इसमांनी त्यांचे तोंड दाबून व बंदुकीचा धाक दाखवत तब्बल 2 लाख 35 हजारांचे सोन्याचे दागिने लुटून नेले.याप्रकरणी भिंगार कॅम्प पोलीस ठाण्यात गु.र.नं. 496/2025, भा.न्या. संहिता 2023 कलम 309(4), 352, 3(5) व आर्म्स अॅक्ट प्रमाणे गुन्हा नोंदवण्यात आला.
📌 पोलिसांची कारवाई
घटनेचे गांभीर्य लक्षात घेऊन पोलीस अधीक्षक श्री. सोमनाथ घार्गे यांनी स्थानिक गुन्हे शाखेस तपासाच्या सूचना दिल्या. त्यानुसार पोनि किरणकुमार कबाडी यांच्या मार्गदर्शनाखालील पथकाने तपास सुरू केला.गुप्त बातमीदारांच्या मदतीने आरोपींचा शोध घेत असताना हा गुन्हा विठ्ठल तुपे (रा.जेऊर हैबती,कुकाणा) व त्याचे साथीदारांनी केल्याची माहिती मिळाली.त्यानुसार कुकाणा येथे सापळा रचून आरोपी विठ्ठल ज्ञानेश्वर तुपे (वय 24) व सुदाम विक्रम जाधव (वय 29) यांना अटक करण्यात आली. तर त्यांचा साथीदार फिरोज अजिज शेख (रा. नेवासा फाटा) हा फरार आहे.
📌 मुद्देमाल हस्तगत
अटक आरोपींच्या कबुली जबाबानुसार कुकाणा येथील सोनाराकडे विकलेले काही दागिने व गुन्ह्यात वापरलेली पल्सर मोटारसायकल जप्त करण्यात आली.पोलिसांनी 1,35,000/- किमतीचे सोन्याचे दागिने 70,000/- किमतीची पल्सर मोटारसायकल (एमएच 17 डीई 7751) असा एकूण 2,05,000/- रुपयांचा मुद्देमाल हस्तगत केला.
📌 आरोपींचा गुन्हेगारी इतिहास
आरोपी विठ्ठल तुपे याच्यावर नेवासा व तोफखाना पोलीस ठाण्यात दरोडा व जबरी चोरीचे दोन गुन्हे दाखल आहेत.आरोपी सुदाम जाधव याच्यावर पाथर्डी पोलीस ठाण्यात चोरीचा एक गुन्हा दाखल आहे.
📌 पुढील तपास
अटक आरोपींना भिंगार कॅम्प पोलीस ठाण्यात हजर करण्यात आले असून पुढील तपास सुरू आहे.
ही कारवाई पोलीस अधीक्षक सोमनाथ घार्गे यांच्या मार्गदर्शनाखाली स्थानिक गुन्हे शाखेचे पोउपनि/दिपक मेढे, पोउपनि/राजेंद्र वाघ,पोलीस अंमलदार विष्णु भागवत, भगवान थोरात,सुनिल मालणकर,भगवान धुळे,अर्जुन बडे यांच्या पथकाने यशस्वीपणे पार पाडली.