📰 जिल्हाधिकारी विवेक जॉन्सन यांना ‘भारत गौरव – २०२५’ पुरस्कार..विश्व मानवाधिकार परिषदेच्या वतीने गौरव..सामाजिक,प्रशासनिक कार्याबद्दल सन्मान

📰 जिल्हाधिकारी विवेक जॉन्सन यांना ‘भारत गौरव – २०२५’ पुरस्कार..विश्व मानवाधिकार परिषदेच्या वतीने गौरव..सामाजिक,प्रशासनिक कार्याबद्दल सन्मान

बीड (प्रतिनिधी) – जिल्ह्याचे प्रामाणिक, पारदर्शक आणि लोकाभिमुख कामकाजाच्या माध्यमातून उल्लेखनीय कार्य करणारे बीड जिल्हाधिकारी विवेक जॉन्सन यांना ‘भारत गौरव – २०२५’ या प्रतिष्ठित पुरस्काराने सन्मानित करण्यात आले. हा पुरस्कार विश्व मानवाधिकार परिषद (World Human Rights Council) च्यावतीने प्रदान करण्यात आला. या वेळी विश्व मानवाधिकार परिषदेचे राष्ट्रीय उपाध्यक्ष हाजी सय्यद लायक, मराठवाडा अध्यक्ष डॉ. सय्यद साजिद तसेच इतर मान्यवर उपस्थित होते. पुरस्कार वितरणावेळी जिल्हाधिकारी विवेक जॉन्सन यांचा शाल, श्रीफळ, सन्मानचिन्ह व प्रशस्तिपत्र देऊन गौरव करण्यात आला.

या प्रसंगी बोलताना हाजी सय्यद लायक म्हणाले की, “जिल्हाधिकारी विवेक जॉन्सन यांनी प्रशासनिक कामकाजात पारदर्शकता, प्रामाणिकता व लोकहिताचा दृष्टिकोन जोपासत उत्कृष्ट कामगिरी केली आहे. विकासकामे, लोकसहभाग, तसेच जनतेशी संवेदनशील संवाद यामुळे त्यांचे कार्य इतरांसाठी आदर्शवत आहे.”जिल्हाधिकारी जॉन्सन यांनी या सन्मानाबद्दल कृतज्ञता व्यक्त करत सांगितले की, “हा पुरस्कार माझ्या संपूर्ण जिल्हा प्रशासनाच्या व जनतेच्या पाठबळाचा सन्मान आहे. विकास आणि मानवाधिकार यांचा समतोल राखत पुढील काळातही जनतेच्या सेवेसाठी कार्यरत राहीन.”या कार्यक्रमास अनेक सामाजिक कार्यकर्ते, अधिकारी व मान्यवर उपस्थित होते. पुरस्कारप्राप्तीमुळे बीड जिल्हा प्रशासनाच्या कार्याला नवे प्रोत्साहन लाभले आहे.