📰विनापरवाना फ्लेक्सवाल्यांनो सावधान..!महानगरपालिकेचा कारवाईचा बडगा..दोघांवर गुन्हा दाखल..परवानगी शिवाय फ्लेक्स लावल्यास फौजदारी व दंडात्मक कारवाई अनिवार्य आयुक्त यशवंत डांगे

📰विनापरवाना फ्लेक्सवाल्यांनो सावधान..!महानगरपालिकेचा कारवाईचा बडगा..दोघांवर गुन्हा दाखल..परवानगी शिवाय फ्लेक्स लावल्यास फौजदारी व दंडात्मक कारवाई अनिवार्य आयुक्त यशवंत डांगे

अहिल्यानगर (प्रतिनिधी):- शहरात विनापरवाना फ्लेक्स लावणाऱ्यांविरुद्ध महानगरपालिकेने कडक भूमिका घेतली आहे.प्रेमदान चौक आणि नागापूर पुलाजवळ परवानगीशिवाय लावण्यात आलेल्या दोन फ्लेक्स प्रकरणी महानगरपालिकेने तोफखाना पोलिस ठाण्यात फिर्याद दाखल करून गुन्हा नोंदवला आहे.

महानगरपालिका आयुक्त तथा प्रशासक यशवंत डांगे यांनी स्पष्ट इशारा दिला आहे की, “शहरात कोणत्याही प्रकारचा फ्लेक्स, बॅनर किंवा पोस्टर परवानगीशिवाय लावला तर संबंधितांविरुद्ध फौजदारी तसेच दंडात्मक कारवाई केली जाईल. शहराचे सौंदर्य विद्रुप करणाऱ्यांची अजिबात हयगय केली जाणार नाही.”

सावेडी प्रभागाचे अधिकारी बाळासाहेब पवार यांनी या प्रकरणी फिर्याद दिली.अहिल्यानगर–मनमाड रोडवरील प्रेमदान चौकात कोहिनूर मॉलसमोर “मंगलमुर्ती वास्तु प्रा. लि.” या नावाचा फ्लेक्स, तसेच नागापूर पुलाजवळ  कातोरे यांना वाढदिवसाच्या शुभेच्छा” असा फ्लेक्स बेकायदेशीररीत्या लावण्यात आला होता. हे दोन्ही फ्लेक्स तात्काळ काढून जप्त करण्यात आले असून, उच्च न्यायालयाच्या आदेशानुसार गुन्हा दाखल करण्यात आला आहे.महानगरपालिकेने नागरिकांना आवाहन केले आहे की, शहरात फ्लेक्स, बॅनर, पोस्टर लावण्यापूर्वी परवानगी घेणे बंधनकारक आहे. अन्यथा, थेट गुन्हा दाखल व दंडात्मक कारवाई टाळता येणार नाही, असा स्पष्ट इशारा डांगे यांनी दिला आहे.