अहमदनगर प्रतिनिधी(दि.१३ एप्रिल):-राहुरी येथील मुळानदी पात्रात अवैध वाळु उत्खनन व वाहतुकी विरुध्द कारवाई करुन दोन टेम्पो व चार ब्रास वाळु असा एकुण 6,40,000/- रु. (सहा लाख चाळीस हजार) रुपये किंमतीचा मुद्देमाल जप्त करण्यात स्थानिक गुन्हे शाखेला यश आले आहे.बातमीची हकिगत अशी की, श्री.राकेश ओला,पोलीस अधिक्षक,अहमदनगर यांनी पोनि/श्री.दिनेश आहेर स्थानिक गुन्हे शाखा यांना जिल्ह्यातील अवैध वाळु उत्खनन/उपसा व वाहतुकी विरुध्द कारवाई करणे बाबतचे आदेश दिले होते.नमुद आदेशान्वये स्थानिक गुन्हे शाखेतील पोना/सचिन आडबल,विशाल गवांदे, पोकॉ/शिवाजी ढाकणे, आकाश काळे व चापोहेकॉ/संभाजी कोतकर असे राहुरी तालुक्यात अवैध वाळु उत्खनन व वाहतुकी विरुध्द कारवाई करणे करीता पेट्रोलिंग करत असताना पोनि/श्री.दिनेश आहेर यांना गुप्तबातमीदारा मार्फत माहिती मिळाली की काही इसम दोन वेगवेगळ्या टेम्पोमधुन तांदुळवाडी स्टेशन, ता.राहुरी येथे मुळा नदीपात्रात मजुरांच्या सहाय्याने अवैध वाळु उत्खनन करुन वाळु टेम्पोमध्ये भरुन चोरुन वाळु वाहतुक करत आहे. अशी खात्रीशीर माहिती मिळाली.पोनि/दिनेश आहेर यांनी नमुद माहिती लागलीच पथकास कळवुन पंचांना सोबत घेवुन खात्री करुन कारवाई करणे बाबतचे सुचना दिल्या.नमुद सुचना प्रमाणे पथकातील पोलीस अंमलदार यांनी पंचांसह तांदुळवाडी स्टेशन, ता.राहुरी येथील मुळा नदीपात्रात जावुन आडोशाला थांबुन खात्री केली असता मुळा नदीपात्रातुन मजुराच्या सहाय्याने दोन टेम्पोमध्ये वाळु भरतांना दिसले पथक व पंचांची खात्री होताच पथक अचानक छापा टाकुन पकडण्याचे तयारीत असताना मजुर पोलीस पथकास पाहुन काटवनात पळुन गेले.दोन्ही टेम्पोमध्ये बसलेल्या चालकांना ताब्यात घेवुन पोलीस पथकाची ओळख सांगुन त्यांचेकडे वाळु वाहतुकीचे परवान्या बाबत विचारपुस केली असता त्यांनी त्यांचेकडे शासनाचा वाळु उत्खनन/उपसा किंवा वाहतुकीचा कोणताही परवाना नसले बाबत सांगितले.त्यामुळे पथकाने त्यांना ताब्यात घेतले.ताब्यात घेतलेल्या इसमांना त्यांचे नाव गांव विचारले असता त्यांनी त्यांची नावे 1)गणेश बाबासाहेब त्रिभुवन वय 31, रा. राहुरी स्टेशन,ता.राहुरी व 2) करण अनिल जाधव,वय 19,रा.आरडगांव,ता.राहुरी असे सांगितले त्यांचे कडे टेम्पो मालका बाबत विचारपुस करता त्यांनी सदर टेम्पो इसम नामे 3)अजय बर्डे,रा.देसवंडी,ता.राहुरी याचे मालकीचा असल्याचे सांगितले.पळुन गेलेल्या मजुरांचा शोध घेतला परंतु ते मिळुन आले नाही.ताब्यात घेतलेल्या आरोपींनी अवैधरित्या राहुरी येथील मुळानदी पात्रातुन शासनाचा कोणत्याही प्रकारचा परवाना न घेता किंवा रॉयल्टी न भरता शासकिय मालकिची वाळु अवैध उत्खनन व चोरी करुन पर्यावरणाचे नुकसान होईल असे कृत्य केल्याने आरोपींना 6,40,000/- (सहा लाख चाळीस हजार) रुपये किंमतीचे दोन टेम्पो व चार ब्रास वाळुसह ताब्यात घेवुन त्यांचे विरुध्द राहुरी पोलीस स्टेशन गु.र.नं. 362/2023 भादविक 379, 34 सह पर्यावरण कायदा कलम 3, 15 प्रमाणे गुन्हा दाखल करण्यात आलेला आहे. पुढील तपास राहुरी पोलीस स्टेशन करीत आहे.सदरची कारवाई श्री.राकेश ओला पोलीस अधीक्षक, अहमदनगर,श्रीमती.स्वाती भोर मॅडम,अपर पोलीस अधिक्षक,श्रीरामपूर व श्री. संदीप मिटके,उपविभागीय पोलीस अधीकारी,श्रीरामपूर विभाग यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.