अहमदनगर प्रतिनिधी (दि.१३ एप्रिल):-भिंगार मधील सौरभ नगर येथे विक्री करण्याचे उद्देशाने दोन गावठी कट्टे व दोन जिवंत काडतुस अवैधरित्या कब्जात बाळगणारा आरोपीला 60,400/- रुपये किंमतीचे मुद्देमालासह जेरबंद करण्यात स्थानिक गुन्हे शाखेला यश आले आहे.बातमीत हकीकत अशी की,जिल्हा पोलीस अधीक्षक श्री.राकेश ओला यांनी पोनि/श्री.दिनेश आहेर, स्थागुशा अहमदनगर यांना आगामी सण व उत्सव अनुषंगाने अहमदनगर जिल्ह्यातील अवैध अग्नीशस्त्रे व हत्यारे बाळगणारा विरुध्द जास्तीत जास्त कारवाई करणे बाबत आदेश दिले होते.नमुद आदेशान्वये पोनि/श्री. दिनेश आहेर,स्थागुशा हे जिल्ह्यातील अवैध अग्नीशस्त्रे व हत्यारे याबाबत माहिती घेत असतांना गुप्त बातमीदाराकडून माहिती मिळाली की,गावठी कट्टे व जिवंत काडतुस जवळ बाळगणारा एक इसम सौरभनगर,वडारवाडी,भिंगार परिसरात येणार आहे.
आता गेल्यास मिळून येईल अशी खात्रीशीर माहिती मिळाल्याने पोनि/श्री.दिनेश आहेर यांनी स्थानिक गुन्हे शाखेतील अधिकारी व अंमलदार यांचे पथक नेमुन मिळालेल्या बातमीनुसार खात्री करुन कारवाई करण्याबाबत आदेश दिले.सदर आदेशान्वये स्थागुशा पथकातील सपोनि/हेमंत थोरात,सफौ/भाऊसाहेब काळे,मनोहर शेजवळ,बाळासाहेब मुळीक, पोहेकॉ/विजयकुमार वेठेकर, देवेंद्र शेलार,विश्वास बेरड, पोना/विजय ठोंबरे,पोना/सचिन आडबल,दिपक शिंदे, पोकॉ/मेघराज कोल्हे, चापोहेकॉ/चंद्रकांत कुसळकर व अर्जुन बडे अशांनी मिळून मिळालेल्या बातमीचे ठिकाणी नगर पाथर्डी रोड,सौरभनगर, वडारवाडी,भिंगार येथे जावून सापळा लावुन थांबलेले असतांना थोड्याच वेळात एक इसम संशयीतरित्या फिरताना दिसला.पोलीस पथकाची खात्री होताच संशयीतास ताब्यात घेवुन, पोलीस पथकाची ओळख सांगुन त्यास त्याचे नाव गांव विचारले असता त्याने त्याचे नाव 1)सतीश ज्ञानेश्वर मोरे वय 32,रा.सौरभनगर,भिंगार असे असल्याचे सांगीतले. त्याची पंचा समक्ष अंगझडती घेतली असता त्याचे अंगझडतीत दोन (02) गावठी बनावटीचे कट्टे व दोन (02) जिवंत काडतूस असा एकूण 60,400/-रु.किं.चा मुद्देमाल मिळून आल्याने तो जप्त करण्यात आला आहे.सदर इसम हा सौरभनगर, भिंगार परिसरात दोन (02) गावठी कट्टे व दोन (02) जिवंत काडतूस बेकायदेशिरित्या कब्जात बाळगताना मिळून आल्याने सदर बाबत पोहेकॉ/575 विजयकुमार बाळासाहेब वेठेकर,ने.स्थानिक गुन्हे शाखा यांनी भिंगार कॅम्प पोलीस स्टेशन येथे दिलेल्या फिर्यादीवरुन गुन्हा दाखल करण्यात आलेला आहे. पुढील कायदेशिर कार्यवाही भिंगार कॅम्प पोलीस स्टेशन करीत आहे.सदरची कारवाई श्री.राकेश ओला पोलीस अधीक्षक,अहमदनगर,श्री. प्रशांत खैरे अपर पोलीस अधिक्षक,अहमदनगर व श्री. अनिल कातकाडे उविपोअ नगर शहर,विभाग यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.