विविध गंभीर गुन्ह्यात फरार असलेला सराईत आरोपी गावठी कट्ट्यासह जेरबंद;एकाच महिन्यात तोफखाना पोलिसांची दुसरी मोठी कारवाई

अहमदनगर प्रतिनिधी(दि.२२ मे):-कोतवाली पोलीस स्टेशन मध्ये जातीय दंगल तसेच खुनाचा प्रयत्न अशा दाखल गुन्ह्यात फरार असलेला आरोपी गावठी रिव्हॉल्व्हर व जिवंत काडतुससह पकडण्यात तोफखाना पोलीसांना यश आले आहे.दि.२१ मे रोजी सायंकाळी तोफखाना पोलीस स्टेशन निरीक्षक मधुकर साळवे यांना बातमी मिळाली की,तारकपुर बस स्थानकासमोर एक इसम त्याचे कब्जात गावठी बनावटीचा कट्टा बाळगुन फिरत आहे अशी बातमी मिळाल्याने तात्काळ सदर बातमीची खात्री करुन कारवाई करणे बाबत कळविल्याने तोफखाना पोलीस स्टेशनचे गुन्हे प्रकटीकरण पथकातील अधिकारी व अंमलदार तात्काळ बातमी प्रमाणे जावुन खात्री करता सदर ठिकाणी एका अॅक्सेस मोटारसायकलवर बसलेला असल्याचे दिसुन आला.सदर इसमास ताब्यात घेवुन खात्री केली असता सदर इसमाने त्याचे नाव अरबाज रज्जाक बागवान,वय-२५,रा.पांचपिर चावडी,तिवारी भोजनालय जवळ अहमदनगर असे असल्याचे सांगीतल्याने सदर इसमाची तसेच त्याचे ताब्यात असलेल्या मोटारसायकलची झडती घेता त्याचे कब्जात १) एक गावठी बनावटीचे रिव्हॉल्वर ६ राऊंडचे सिलेंडर असलेला,२)तीन जिवंत काडतुसे,३)तीन विवीध क्रमांकांच्या मोटारसायकलच्या नंबर प्लेट व ४)एक विनाक्रमांकाची ॲक्सेस मोटारसायकल असा एकुण ८६,१००/- रु.कि चा मुद्देमाल मिळुन आल्याने जप्त करण्यात आलेला आहे.बाबत पो.कॉ/२६२६ सचिन उत्तम जगताप यांनी दिलेल्या फिर्यादीवरुन तोफखाना पोलीस स्टेशन गु.र.नं-७५२/२०२३ भारतीय हत्यार कायदा १९५९ कलम -३/२५ प्रमाणे गुन्हा दाखल करण्यात आला असुन पुढील तपास पो.हे.कॉ.२८३/दत्तात्रय जपे हे करत आहेत.आरोपी नामे अरबाज रज्जाक बागवान,वय-२५,रा.पांचपिर चावडी,तिवारी भोजनालय, अहमदनगर याचेवर कोतवाली पोलीस स्टेशन, अहमदनगर येथे जातीय दंगल,खुनाचा प्रयत्न करणे असे गुन्हे दाखल असुन सदर गुन्ह्यात फरार असल्याचे निष्पन्न झाले आहे.सदरची कारवाई ही पोलीस अधीक्षक श्री.राकेश ओला अहमदनगर,अपर पोलीस अधीक्षक श्री.प्रशांत खैरे, उपविभागीय पोलीस अधिकारी शहर विभाग श्री.अनिल कातकाडे यांचे मार्गदर्शनाखालील परिविक्षाधिन पोलीस उपअधीक्षक,श्री.शिरीष वमने व पो.नि श्री.मधुकर साळवे यांच्या पथकातील सहायक पोलीस निरीक्षक श्री.जुबेर मुजावर,श्री.नितीन रणदिवे, पो.उप.निरी.श्री.समाधान सोळंके,पो.हे.कॉ दत्तात्रय जपे,सुनिल शिरसाट,पोना. अविनाश वाकचौरे,धिरज खंडागळे,संदिप धामणे,वसिम पठाण,अहमद इनामदार,सचिन जगताप,सुरज वाबळे,सतिष त्रिभुवन,सतिष भवर,संदिप गिऱ्हे,गौतम सातपुते,दत्तात्रय कोतकर,शिरीष तरटे तसेच तांत्रिक विभाग अहमदनगर दक्षिण पो.कॉ.नितीन शिंदे यांनी केली आहे.