मंत्री चंद्रकांत पाटील यांच्यावर ॲट्रॉसिटी अंतर्गत गुन्हा दाखल करा अखिल भारतीय मेहतर समाज संघटनेची मागणी

नगर प्रतिनिधी (दि.१२.डिसेंबर):-विश्वरत्न डॉ.बाबासाहेब आंबेडकर, क्रांतीसुर्य महात्मा ज्योतिराव फुले व कर्मवीर भाऊराव पाटील यांनी भिख मागून शाळा सुरू केल्याचे वक्तव्य करुन महापुरुषांचे अपमान केला.या वक्तव्याच्या निषेधार्थ अखिल भारतीय मेहतर समाज संघटनेच्या वतीने अहमदनगर जिल्हाधिकारी कार्यालयाबाहेर आंदोलन करून त्यांच्यावर ॲट्रॉसिटी ॲक्टनुसार गुन्हा दाखल करावा अशी मागणी केली आहे.भाजपचे मंत्री चंद्रकांत पाटील यांच्यावर लवकरात लवकर कारवाई करण्यात यावी अन्यथा अखिल भारतीय मेहतर समाज संघटना संपूर्ण राज्यात तीव्र स्वरूपाचे आंदोलन छेडण्यात येईल असा इशारा निवेदनाद्वारे देण्यात आला आहे.मेहतर समाज संघटनेचे वतीने जिल्हाधिकारी व पोलिस अधिक्षक,यांना यावेळी निवेदन देण्यात आले.या वेळी सामाजिक कार्यकर्ते रवि मोरकरोसे,संघटनेचे जिल्हाध्यक्ष सनी खरारे, उपजिल्हाध्यक्ष,राहुल लखन, सामाजिक कार्यकर्ते संतोष सारसर,संघटनेचे कार्याध्यक्ष शुभम टाक,अनिल भालेराव,दिलिप सुर्यवंशी,पवन सेवक आदी कार्यकर्ते उपस्थित होते.