अहमदनगर प्रतिनिधी (दि.२१ जुलै):-नगर तालुका पोलीस स्टेशन हद्दीमध्ये एकाच दिवशी ८ ठिकाणी अवैध हातभट्टीवर कारवाई एकुण 4,76,500/- रु.की.मुद्देमाल नाश करण्याचे कारवाई नगर तालुका पोलिसांच्या पथकाने केली आहे.बातमीतील हकीकत अशी की,पोलीस अधीक्षक श्री.राकेश ओला यांनी तालुका पोलिस ठाण्याचे सपोनि/शिशिरकुमार देशमुख यांना नगर तालुका पोलीस स्टेशन हद्दीमध्ये अवैध हातभट्टी दारुसंबधी कारवाई करणेबाबत सुचना केल्या होत्या.त्यानुसार श्री शिशिरकुमार देशमुख यांनी अवैध हातभट्टी दारुवर करवाई करणेकामी एक पथक तयार करून हद्दीतील खंडाळा,खडकी,धोंडेवाडी,वाळकी,साकत,नेप्ती अशा 8 विविध ठिकाणी कारवाया केल्या.यामध्ये 25,200 लिटर गावठी हातभट्टी तयार करण्यासाठी लागणारे कच्चे रसायण व 125 लिटर तयार दारु असा एकुण 4,75,500/- रुपयेचा मुद्देमाल जागीच पंचासमक्ष नष्ट करण्यात आला.सदरची कारवाई श्री.राकेश ओला पोलीस अधीक्षक,श्री.प्रशांत खैरे अपर पोलीस अधीक्षक,उपविभागीय पोलीस अधिकारी श्री.संपतराव भोसले,सपोनि/शिशिरकुमार देशमुख,पोउनि/ युवराज चव्हाण,पोउनि/रणजित मराग,मसफौ/अमिना शेख,पोहेकॉ/लगड,सुभाष थोरात,मंगेश खरमाळे,मपोना/गायत्री धनवडे, पोकॉ/कमलेश पाथरुट,निलेश खिळे,सोमनाथ वडणे, संभाजी बोराडे,राजू खेडकर यांनी केलेली आहे.