अहमदनगर प्रतिनिधी (दि.२४ जुलै):-फ्रान्सिस विलास उबाळे राहणार पंचशील वाडी रेल्वेस्टेशन अहमदनगर हे मोटरसायकल वरून चालले असताना चाणक्य चौकाच्या जवळ समोरून येणाऱ्या अनोळखी मुलांचा धक्का त्यांच्या गाडीला लागला त्यावरून त्या ठिकाणी वाद झाला.वाद झाल्यानंतर आरोपींनी विटांनी मारहाण केली आणि आरोपी विशाल भंडारे याने त्याच्या कडील छोट्या चाकूने फ्रान्सिस उबाळे यांना पोटाच्या डाव्या बाजूला मारले.त्यावरून त्यांना 2 टाके पडलेले असून छातीजवळ काही प्रमाणात मारहाण झालेली आहे.कोतवाली पोलीस निरीक्षक चंद्रशेखर यादव हे गुन्हे शोध पथक आणि तपास पथकासह तात्काळ त्या ठिकाणी पोहोचले माहितीवरून आरोपींची नावं निष्पन्न केली.सदर गुन्ह्यात आरोपी नामे शुभम धुमाळ राहणार सारसनगर,संकेत खापरे राहणार विनायक नगर, विशाल भंडारी राहणार वाकोडी रोड,गोविंद पवार राहणार भोसले आखाडा, आणि इतर दोन असे सहा आरोपी असल्याबाबत कोतवाली पोलिसांनी निष्पन्न केले आणि वरील नमूद चार आरोपींना तीन तासात अटक करण्यात आली.सदरची कारवाई पोलीस अधीक्षक राकेश ओला,अपर पोलीस अधीक्षक प्रशांत खैरे, उपविभागीय पोलीस अधिकारी अनिल कातकडे यांच्या मार्गदर्शनाखाली पोलीस निरीक्षक चंद्रशेखर यादव पोलीस उपनिरीक्षक गजेंद्र इंगळे,मनोज कचरे पोलीस जवान शाहिद शेख रवी टकले,प्रमोद लहारे,सुमित गवळी,दीपक रोहकले,सायबर सेलचे नितीन शिंदे यांनी केली.