अहमदनगर प्रतिनिधी (दि.२६ जुलै):-शिंगवे नाईक येथे दत्त मंदीरातील सोन्या चांदीचे दागिने चोरणाऱ्या चोरट्यास सुमारे एक लाख पन्नास हजार रुपये किमतीच्या दागिन्यांसह पकडण्यात एमआयडीसी पोलीसांना यश आले आहे. बातमीच्या हकीकत आशिकी,दि.२२ जुलै रोजी फिर्यादी संजय किसन खाकाळ(वय ५० वर्ष धंदा- टेलर रा.शिंगवे नाईक ता.जि.अहमदनगर) यांनी एमआयडीसी पोलीस स्टेशनला फिर्याद दिली होती की, दत्त मंदीर येथुन कोणीतरी अज्ञात चोरटयाने २,२३,५००/- रु.किमतीचे चांदीचे सिहांसन,चांदीची छत्री,चांदीचा मुकुट,पादुका अशा वस्तु चोरुन नेल्या आहेत.फिर्यादीवरुन एमआयडीसी पोलीस स्टेशनला गुन्हा दाखल करण्यात आला होता.सदर गुन्हयाचा समांतर तपास करत असतांना सपोनि/राजेंद्र सानप यांना गोपनिय माहिती मिळाली की,सदरचा गुन्हा हा सराईत आरोपी नामे सुनिल नरेंद्र यादव (रा.हारापुरा ता. गोरखपुर जि.पिपीगंज उत्तरप्रदेश) याने व त्याचे साथीदारांनी मिळुन केला आहे.तो सध्या श्रीरामपूर येथे असल्याची माहिती मिळाली. त्यानुसार सपोनि/राजेंद्र सानप यांनी एमआयडीसी पोलीस स्टेशनचे एक पथक तयार करुन त्यांना श्रीरामपूर येथे पाठविले.सदर पोलीस पथकांनी श्रीरामपूर येथुन सदर आरोपीला सापळा रचुन शिताफिने ताब्यात घेतले.सदर आरोपीकडुन एक चांदीची छत्री,एक चांदीचे ताट,एक जोड चांदीच्या पादुका,३ चांदीचे मुकुट,सोन्याची कर्णफुले,सोन्याचे मणी,एक जोड चांदीचे पैजण असा सुमारे एक लाख पन्नास हजार रुपये किमतीचा मुददेमाल हस्तगत करण्यात आला आहे.सदरची कारवाई श्री.राकेश ओला पोलीस अधीक्षक,श्री.प्रशांत खैरे अपर पोलीस अधीक्षक,श्री.संपतराव भोसले उपविभागीय पोलीस अधिकारी नगर ग्रामीण विभाग अहमदनगर यांचे मार्गदर्शनाखाली सपोनि/ राजेंद्र सानप प्रभारी अधिकारी एमआयडीसी पोलीस स्टेशन,पोसई/चांगदेव हंडाळ,पोसई योगेश चाहेर,पोना/बंडू भागवत,पोकॉ/किशोर जाधव,पोकॉ/नवनाथ दहिफळे,पोकॉ/गजानन गायकवाड,पोकॉ/सुरज देशमुख यांचे पथकाने केली आहे.