वर्धा जिल्हा आयकॉन म्हणून शिवानीची निवड,विदर्भातील पहिली तृतीयपंथी वकील म्हणून मिळवला शिवानीने मान

प्रतिनिधी (दि.१७.डिसेंबर):-पुनरनिरीक्षण कार्यक्रमांतर्गत वर्धा जिल्ह्याची प्रारूप मतदार यादी प्रसिद्ध झाली असून २०२४ मधील लोकसभा व विधानसभा निवडणुका लक्षात घेता जास्तीत जास्त तरुणांनी जास्तीत जास्त तरुणांनी मतदार नोंदणी करण्यासाठी तरुणांमध्ये मतदान करण्याची जागृती निर्माण करण्यासाठी विदर्भातील पहिली तृतीयपंथी वकील ठरलेली ॲड.शिवानी सुरकार हिची वर्धा जिल्हा आयकॉन म्हणून उपजिल्हा निवडणूक अधिकारी प्रवीण महिरे यांनी नियुक्ती केली आहे.डिसेंबर महिन्यामध्ये चालू असलेल्या ग्रामपंचायतींच्या निवडणुकीच्या पार्श्वभूमीवर वयाची १८ वर्ष पूर्ण करणाऱ्या प्रत्येक व्यक्तीचे नाव मतदार यादीत असणे आवश्यक असल्याने मतदार नोंदणी कामात सहकार्य करावे असा सूचना मतदार यादी निरीक्षक तथा विभागीय आयुक्त विजयलक्ष्मी बिदरी यांनी केले होते.तसे पाहिले गेले तर विदर्भातील पहिली तृतीयपंथी शिवानी सुरकार हीचा बिकॉम ते वकिली पर्यंतचा प्रवास खूप खडतर आहे.त्यांची जिल्हा आयकॉन म्हणून निवड झाल्याबद्दल परिसरातील व तसेच जिल्ह्यातून त्यांच्यावर अभिनंदनाचा वर्षाव होत आहे.