राज्य उत्पादन शुल्क विभागाचे जिल्ह्यात अवैध दारू,ताडी,विरोधात विविध ठिकाणी छापे 

अहमदनगर प्रतिनिधी (दि.१८. डिसेंबर):-जिल्हयातील ग्रामपंचायत निवडणूक कार्यक्रम जाहिर झालेला असून आज रविवार दि.१८ डिसेंबर रोजी ग्रामपंचायत निवडणुकी दरम्यान तालुक्यांमध्ये मतदान झाले.सर्व ग्रामपंचायत निवडणूका भयमुक्त वातावरणात होण्याकरीता जिल्हयातील सर्व तालुक्यातील अवैध मद्यावर प्रभावीपणे कारवाया करण्यांबाबत सर्व क्षेत्रीय विभागाना तसेच भरारी पथकांना राज्य उत्पादन शुल्क विभागाकडून कारवाई करण्याचा आदेश देण्यात आला होता.निवडणुकीच्या अनुषंगाने दि.१५.डिसेंबर ते १७ डिसेंबर या कालावधीत जिल्हयातील अवैध मद्यविक्री,निर्मिती तसेच वाहतुक व हातभटटी दारु,अवैध ताडी विक्री निर्मिती,अवैध मद्यविक्री करणारे हॉटेल्स,ढाबे, इत्यादींवर उत्पादन शुल्क विभागाने छापा मारून गुन्हा दाखल करण्याचे कामकाज केले आहे.सदर कालावधीत विशेष मोहिमा राबविण्यांत आलेल्या असून प्रभावी कारवाई करीता विशेष पथके तयार करण्यांत आलेली होती.ग्रामपंचायत निवडणूकीचे अनुषंगाने जिल्हयात उत्पादन शुल्क विभागाच्या पथकाने अवैध मद्यावर एकूण ४२ गुन्हे नोंद करुन ४२ आरोपीना अटक करण्यांत आलेली आहे.त्यात देशी दारु २५०.०२ ब.लि.विदेशी दारु १०१.२८ ब.लि.रसायन ४०० लि.हातभटटी दारु २२९ लि.ताडी २०५ लि.जप्त वाहने संख्या ७ (१ चारचाकी वाहन,६ दुचाकी वाहने ) असा एकूण रुपये ११,६८,२७४ /- रुपयांचा मुद्देमाल जप्त करण्यांत आलेला आहे.