पंधरा तोळे सोन्याच्या दागिन्यासह पाच लाख रुपयांचा ऐवज लुटल्याची घडली घटना

संगमनेर प्रतिनिधी (दि.१९. डिसेंबर):-संगमनेर शहरात चोरट्यांनी सशस्त्र धुमाकूळ घालत तीन घरे फोडून १५ तोळे सोन्याच्या दागिन्यासह दीड लाख रुपये असा सुमारे पाच लाख रुपयांचा ऐवज लुटल्याची घटना रविवारी १८ डिसेंबर रोजी पहाटे शहरालगतच्या सुकेवाडी परिसरात घडली.चोरट्यांनी केलेल्या मारहाणीत एक महिला जखमी झाली आहे.दरोड्याच्या या घटनेमुळे शहर व परिसरात दहशतीचे वातावरण निर्माण झाले आहे.रविवारी रात्री पहाटे साडेतीन ते चार वाजेच्या सुमारास अज्ञात पाच ते सहा दरोडेखोरांनी सुकेवाडी गावचे उपसरपंच सुभाष कुटे यांच्या वस्तीवर दरोडा टाकला.या दरोडेखोरांनी चाकू,लोखंडी टामी, पाईप अशा शस्त्रांचा धाक दाखविला.दरोडेखोरांनी शेजारील इतर घरांचे दरवाजे बाहेरून बंद करीत लुटमार केली.या दरोड्यामध्ये तब्बल १५ तोळे सोन्याचे दागिने व दीड लाख रुपयांचा ऐवज चोरून चोरट्यांनी पलायन केले.