अहमदनगर (दि.२३ सप्टेंबर):-गाडीचा धक्का लागल्याच्या कारणातून तरूणाला मारहाण करून त्याचा खून केल्याची धक्कादायक घटना नगर तालुक्यातील वाळकी शिवारात गुरूवारी (दि.21 सप्टेंबर) रोजी रात्री घडली आहे.
आप्पासाहेब लांडगे (रा.बाबुर्डी घुमट ता.नगर) असे खून झालेल्या तरूणाचे नाव आहे. याप्रकरणी त्यांची पत्नी अलका लांडगे यांनी शुक्रवारी (दि.22 सप्टेंबर) रोजी रात्री नगर तालुका पोलीस ठाण्यात दिलेल्या फिर्यादीवरून चौघांवर खूनाचा गुन्हा दाखल करण्यात आला आहे.अरूण पिराजी बोठे,प्रविण ऊर्फ पंकज अरूण बोठे,मनोज राधाकिसन भालसिंग व इंदूबाई अरूण बोठे (सर्व रा.वाळकी,ता.नगर) अशी गुन्हा दाखल झालेल्यांची नावे आहेत.
गुन्हा दाखल होताच नगर तालुका पोलिसांनी प्रविण ऊर्फ पंकज अरूण बोठे याला ताब्यात घेतले आहे.पुढील तपास नगर तालुका पोलीस स्टेशनचे उपनिरीक्षक रणजीत मारग हे करत आहे.