अहमदनगर (दि.१४ नोव्हेंबर):-एक कोटी रुपयांच्या लाचखोरी प्रकरणी पसार असलेला अधिकारी गणेश वाघला याला जेरबंद करण्यात नाशिक अँटी करप्शन ब्युरोच्या विभागाला यश आले आहे.
नाशिकच्या पथकाने लाचखोर अधिकारी वाघ याला काल (दि.१३ नोव्हेंबर) रोजी ताब्यात घेतले. आज (दि.१४ नोव्हेंबर) रोजी त्याला अहमदनगरच्या जिल्हा आणि सत्र न्यायालयात हजर करण्यात आले आहे.लाचखोर अधिकारी गणेश वाघ याला ताब्यात घेण्यात आल्यामुळे आता अनेक गंभीर बाबी उजेडात येणार असल्याची शक्यता आहे.या प्रकरणातील आरोपी अभियंता अमित किशोर गायकवाड याची यापूर्वीच न्यायालयाने जामीनावर सुटका केली आहे.मात्र,उपअभियंता गणेश वाघ हा दहा दिवसांपासून पसार होता. त्याने अटकपूर्व जामिनासाठी अर्ज केला होता.त्यावर निर्णय होण्यापूर्वीच त्याला नाशिक लाचलुचपत प्रतिबंधक विभागाच्या पथकाने अटक केली आहे.त्याला आज न्यायालयासमोर हजर केले आहे.
