अहमदनगर (दि.१ डिसेंबर):-बातमीतील हकीकत आशिकी,नाशिक येथील रहिवासी सौ. मीना साळुंके या त्यांच्या भाचीच्या लग्नासाठी नगरमध्ये आल्या असताना 30 सप्टेंबर रोजी नगर – छत्रपती संभाजीनगर रोडवरील सिटी लॉन येथून मीना साळुंके यांचे पाच तोळ्याचे गंठण आणि पंचवीस हजार रुपये रोख रक्कम असलेली पर्स चोरीला गेली होती.
याप्रकरणी मीना साळुंके यांनी तोफखाना पोलीस स्टेशनमध्ये अज्ञाता विरुद्ध चोरीचा गुन्हा नोंदवला होता.या गुन्ह्याचा तपास तोफखाना पोलिस करत असताना मोबाईल सेलचे पोकॉ/राहुल गुंडू यांनी सीसीटीव्ही फुटेज तसेच लग्नातील व्हिडिओ शूटिंग तपासून ही चोरी नेवासा तालुक्यातील कुकाना येथे राहणाऱ्या महेश आत्माराम सावंत या तरुणाने केली असल्याचे निष्पन्न करण्यात पोलिसांना यश आले आहे.तोफखाना पोलिसांच्या तपास पथकाने सापळा लावून महेश सावंत याला जेरबंद केले असून त्याने चोरलेल्या सोन्याच्या दागीन्यापैकी 25 ग्रॅम सोन्याचे दागीने किंमत 1,20,000/- रुपये हस्तगत करण्यात आले आहे.
हि कारवाई जिल्हा पोलीस अधीक्षक राकेश ओला,अप्पर पोलीस अधीक्षक प्रशांत खैरे, उपविभागीय पोलीस अधिकारी अनिल कातकडे, तोफखाना पोलीस स्टेशन पोलीस निरीक्षक मधुकर साळवे यांच्या मार्गदर्शनाखाली गुन्हे शोध पथकाचे पोलीस उपनिरीक्षक सचिन रणशेवरे,पोहेकॉ/ दत्तात्रय जपे,पाहेकॉ/सुनिल शिरसाट,पोहेकॉ/दिनेश मोरे, पोहेकॉ/बाळासाहेब गिरी,पोना/दीपक जाधव, पोना/भानुदास खेडकर,पोना/संदिप धामणे,पोना/वसीम पठाण,पोना/अहमद इनामदार,पोना/अविनाश वाकचौरे,पोना/सुरज वाबळे पोकॉ/सचिन जगताप,पोकॉ/ सतीष त्रिभुवन,सतीष भवर, पोकॉ/दत्तात्रय कोतकर, पोकॉ/शिरीष तरटे तसेच दक्षिण मोबाईल सेलचे पोकॉ/ राहुल गुंडू यांनी केली आहे. या गुन्हयाचा पुढील तपास पोना/दिपक जाधव हे करीत आहेत.