अहमदनगर (दि.१९ डिसेंबर):-पिंपळगाव माळवी येथील श्री संत सावता महाराज मंदीरात चोरी करणा-या दोन सराईत गुन्हेगाराचे गुन्हे उघडकीस आणुन सुमारे एक लाख रुपये किमतीचा मुददेमाल जप्त करण्यात एमआयडीसी पोलीसांना यश आले आहे.
या बाबत माहिती अशी की,दि. ०३ डिसेंबर २०२३ रोजी फिर्यादी नामे श्रीकृष्ण बबन रायकर (रा.पिंपळगाव माळवी ता.जि.अहमदनगर) यांनी फिर्याद दिली की,दि.०२ डिसेंबर २०२३ रोजी पिंपळगाव माळवी ता.जि. अहमदनगर येथील श्री.संत सावता महाराज मंदीरातील विठठल रुख्मीनीच्या डोक्यातील मुकुट व रुख्मीणीच्या गळयातील मणीमंगळ सुत्रातील सोन्याचे ४ मणी असा ६००० /-रु किमतीचा मुददेमाल कोणीतरी अज्ञात चोरटयाने त्याचे आर्थिक फायदयाकरीता चोरुन नेला आहे वैगेरे मचकुराचे फिर्यादीवरुन एमआयडीसी पोलीस स्टेशनला गुन्हा रजि. नंबर १०९७/२०२३ भादवि कलम ३७९ प्रमाणे दाखल करण्यात आला होता.
सदर गुन्हयाचा समांतर तपास करत असतांना सपोनि/राजेंद्र सानप यांना गोपनिय माहिती मिळाली की,सदरचा गुन्हा हा आरोपी नामे १)राहुल नानासाहेब शिंदे २)कुणाल विजय बनसोडे दोघे (रा. वडगाव गुप्ता ता.जि अहमदनगर) मिळुन केला आहे.ते वडगाव गुप्ता येथे आहेत.त्यानुसार सपोनि राजेंद्र सानप यांनी एमआयडीसी पोलीस स्टेशनचे एक पथक तयार करुन त्यांना वडगाव येथे पाठविले.
पोलीस पथकानी वडगाव गुप्ता येथुन सदर आरोपीला सापळा रचुन शिताफिने ताब्यात घेतले.दोन्ही आरोपीनी गुन्हयाची कबुली दिली असुन त्यांचेकडे एक नटराज देवताची मृती मिळुन आली.तसेच त्यांनी सदरची मूर्ती कोठून आणली याबाबत त्यांना काहीएक सांगता आले नाही.त्यामुळे त्यांचेवर महाराष्ट्र पोलीस कायदा कलम १२४ प्रमाणे गुन्हा दाखल करण्यात आला आहे. सदरचे आरोपी हे सराईत गुन्हेगार असुन त्यांचेवर अनेक गुन्हे दाखल आहेत.
हि कारवाई श्री.राकेश ओला पोलीस अधीक्षक,श्री.प्रशांत खैरे अपर पोलीस अधीक्षक,श्री.संपतराव भोसले उपविभागीय पोलीस अधिकारी नगर ग्रामीण विभाग यांचे मार्गदर्शनाखाली सपोनि/राजेंद्र सानप प्रभारी अधिकारी एमआयडीसी पोलीस स्टेशन,पोहेकॉ/ नंदकिशोर सांगळे,पोना/राजु सुद्रीक,पोना/विष्णु भागवत, पोना/मिसाळ,पोकॉ/किशोर जाधव,पोकॉ/सुरेश सानप पोकॉ/नवनाथ दहिफळे, पोकॉ/सुरज देशमुख यांनी केली आहे.